EZEQUIEL 17:6 - Dios Rimashcata Quillcashcami

⁶ Muyu huiñashpaca uchilla pangasapa uvas yurami tucurca. Chai yuraca sapiyashpa huiñashpami, jatun anga ladoman huiñarca.

EZEQUIEL 17:6 ပူးပေါင်းရင်းမြစ်များ

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

SALMOS 80:8

Chai llactapi causac runacunata llucchishpa cachashpami, Egiptomanta uvas yuracunata apamushpa tarpurcangui.

ISAÍAS 18:5

Cosecha punzhacuna manarac chayacpi, sisa ña urmashpaca uvasmi pucun. Chai quipami pitina cuchillohuan ramacunata pitishpa anchuchinga.

EZEQUIEL 17:14

Chaica Jerusalenta mandaccuna ama cutin jatarishpa mandachun, paihuan ari nishcata pactachishpa, cumurishpa causachunmi chashnaca ruhuarca.

EZEQUIEL 17:5

Allpapi tarpushca muyutapish alli allpapi tarpungapacmi aparca. Chai muyutaca sauce yurata tarpuc shinami yacupi tarpurca.

EZEQUIEL 17:7

Shinallatac jatun alasyuc plumasapa shuc jatun angapish tiyarcami. Chai jatun angapac ladomanmi uvasca sapiyashpa, ramacunaca huiñarca. Chai yura tarpushcapi ashtahuan yacu tiyachunmi, paipac ladoman huiñarca.

EZEQUIEL 19:10

Mama leonca yacu cuchupi tarpushca uvas yura shinami, uvas chagra chaupipica carca. Achca yacu ladopi tarpushca shinami alli granota pucushpa, alli ramacunatapish charirca.

EZEQUIEL 29:15

Shuctac jatun llactacunahuan chimbapuracpica, yangalla llactami canga. Ña mana shuctac llactacunata llaquichingapac jataringachu. Ashtahuanpish ñucami paicunataca shuctac llactacunata ama mandashpa causachun, ashallata saquisha.

SAN MATEO 13:26

Trigo huiñashpa, grano ricuricpica, mana alli quihuapish ricurircami.