EZEQUIEL 17:23 - Dios Rimashcata Quillcashcami

²³ Chai ramataca Israel llacta jatun urcupimi tarpusha. Chai ramacuna huiñashpaca granota pucushpami, sumac cedro yura tucunga. Tucuilaya zhutacuna shamushpami chai rama ucupi llanduringa.

EZEQUIEL 17:23 ပူးပေါင်းရင်းမြစ်များ

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 80:8

Chai llactapi causac runacunata llucchishpa cachashpami, Egiptomanta uvas yuracunata apamushpa tarpurcangui.

CANTARES 5:15

Paipac changacunaca curi basapi mármol pilarcunata shayachishca shinami. Paica Líbano urcu shina jatunmi. Chai urcupi tiyac tucuita yalli cedro yuracuna shina sumacmi.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

ISAÍAS 27:6

Jacobopac huahua huahuacuna yura shina sapiyana punzhami shamunga. Israelcunaca sisac shinami sisanga. Chashnami paicunaca cai pachapi achca grano pucushca shina jundanga.

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

EZEQUIEL 31:6

Chai ramapimi tucui volac animalcunapish cuzhata ruhuarca. Chai rama ucupica sacha animalcunami huacharca. Tauca llactacunami chai yura ucupi llandurirca.

EZEQUIEL 36:8

Israel llacta urcucunalla, ñuca acllashca israelcunaman granota pucuchun yuracuna huiñachun saquiyari. Ñallami paicunaca cutimunga.

EZEQUIEL 40:2

Mandac Diosmi ñucataca muscuipi shina, Israel llactaman pushashpa, chai llacta jatun urcu jahuapi churarca. Chai urcu ura ladopica jatun llacta shina huasicunami tiyarca.

DANIEL 4:8

Shuc punzhami Daniel ñuca ñaupaman shamurca. Paica ñuca diospac Beltesasar shutimi. Paipica jucha illac dioscunapac espiritumi causan. Paiman ñuca muscushcata huillashpaca:

DANIEL 4:9

“Yachaccunata mandac Beltesasarlla, canpi jucha illac dioscunapac espíritu causashcatapish, pi mana yachashcata huillac cashcatapish yachanimi. Chaimanta ñuca muscuipi shina ricushcata huillai.

OSEAS 14:7

Paicuna cutimushpaca yura ucupimi llanduringa. Chaipica trigo huiñac shina, sisacuc uvas yura shinami canga. Líbano urcumanta vino shinami mishquilla ashnanga» ninmi.

OSEAS 14:8

Efrainca: «Yanga dioscunataca, ¿imapactac catina cani?» ningami. Paicuna mañashcataca uyashami. Paicunapacca ciprés yura shina verdinllami casha. Ñucamantami pucushca granotaca japinga.

MIQUEAS 4:1

Shamuc punzhacunapica Mandac Diospac huasi tiyacuc urcuca tucui urcucunamanta yallimi canga. Tucuita yalli ashtahuan jatunmi canga. Chaimantami tucui llactacunamanta chai urcuman chayanga.

SAN MATEO 13:32

Mostaza muyuca tucui muyumanta yalli ñutumi. Cutin huiñashpaca, tucui yuracunamanta yallimi tucun. Chai yurapimi, zhutacunapish cuzhancuna» nirca.

MARCOS 4:32

ashtahuanpish ña tarpushca huiñashpaca, tucui huertapi tiyac yuracunamanta yallimi tucun. Chai ramacunapimi volac animalcuna shamushpa, llandurincuna— nirca.

SAN LUCAS 13:19

Dios mandacucca, mostaza muyuta shuc runa paipac allpapi tarpucpi, huiñashpa jatunyac shinami. Chai yurapica, volac animalcunami ramacunapi cuzhata ruhuan» nirca.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.