EZEQUIEL 17:22 - Dios Rimashcata Quillcashcami

²² Mandac Dios ñucaca: Ashtahuanpish paipac jahuapi linchita shitashpami, ñuca tucllapi urmachisha. Jatun cedro yura puntapi cac llullu retoñacuc ñahuita japishpami, sumac jatun urcu jahuapi tarpusha.

EZEQUIEL 17:22 ပူးပေါင်းရင်းမြစ်များ

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

SALMOS 80:15

Cambac alli maquihuan tarpushca yurata ricuiyari. Cambaclla cachun tarpushca retoñotapish llaquiyari.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

EZEQUIEL 20:40

Israel llactapi cac ñucapaclla chicanyachishca jatun urcupimi israelcunaca ñucata servinga. Chaipimi paicunataca chasquishpa, ñucaman ofrendatapish, punta pucushca granotapish, ñucapaclla cachun tucui chicanyachishcatapish chasquisha.

EZEQUIEL 34:29

Sumac granota pucuc yuracunatami paicunamanca cusha. Cai llactapica mana ashtahuan yarcaihuan huañungacunachu. Shuctac llactapi causaccunapish ña mana ashtahuan burlashpa pingaichingachu.

EZEQUIEL 37:22

Paicunata Israel llacta urcucunapi churashpa, shuclla llactata ruhuashpami, shuclla jatun mandacta churasha. Ashtahuanpish ña mana ishcai llactachu canga. Mana ishcai mandacchu tiyanga.

EZEQUIEL 40:2

Mandac Diosmi ñucataca muscuipi shina, Israel llactaman pushashpa, chai llacta jatun urcu jahuapi churarca. Chai urcu ura ladopica jatun llacta shina huasicunami tiyarca.

DANIEL 2:35

Chashna polvocpimi, fierropish, allpamanta ruhuashcapish, broncepish, curipish, cullquipish usyai punzhacunapi trillana erapi tiyac tamo shina tucurca. Chaita huaira apacpimi, chai shayacushca pushtupica jaicapi mana ricurirca. Cutin chai runaman ricchata huactac rumica jatun urcu tucushpami, tucui cai pachata taparca.

MIQUEAS 4:1

Shamuc punzhacunapica Mandac Diospac huasi tiyacuc urcuca tucui urcucunamanta yallimi canga. Tucuita yalli ashtahuan jatunmi canga. Chaimantami tucui llactacunamanta chai urcuman chayanga.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.