EZEQUIEL 17:18 - Dios Rimashcata Quillcashcami

¹⁸ Ari nishcata yangapi churashcamanta, mana allicunata ruhuashcamantaca mana quishpiringuichu.

EZEQUIEL 17:18 ပူးပေါင်းရင်းမြစ်များ

2 REYES 10:15

Chaimanta rishpaca, Recabpac churi Jonadabhuanmi tuparca. Paihuan tupashpa allillachu cangui nishca quipaca: —¿Ñuca shungu canhuan cashca shinallatacchu cambac shungupish ñucahuan can?— nirca. Shina nicpi, Jonadabca: —Ari, ñucapish chashnallatacmi cani— nirca. Chaimantami Jehuca: —Shina cashpaca, ¡cambac maquita cui!— nirca. Shina nicpimi, Jonadabca maquita curca. Chashna maquita cucpi, paipac carretapi huichicuchishpa,

1 CRÓNICAS 29:24

Tucui mandaccunapish, sinchi runacunapish, jatun mandac Davidpac caishuc churicunapish jatun mandac Salomontaca cazurcacunami.

2 CRÓNICAS 30:8

Cunanca, ama cancunapac ñaupa taitacuna shina sinchi shungu tucuichicchu. Ashtahuanpish Mandac Diosta cazushpa, paipac huasiman shamuichic. Chai huasitaca Diosmi huiñaita paipaclla cachun chicanyachishca. Cancunata Mandac Diosta servichic. Shina servicpimi, nina japiric shina piñarishcamantaca cancunahuan alli tucunga.

ECLESIASTÉS 8:2

Dios-huan ari nishcamanta jatun mandac mandashcata cazungui nishpami alli yuyaita cuni.

LAMENTACIONES 5:6

Micunata charingapacca Egipto llactapi, Asiria llactacunamanmi maquita chutashpa mañanchic.

EZEQUIEL 17:15

Chashna ari nishca cashpapish mana cazushpami, maijan huillaccunata Egipto llactapi caballocunatapish, achca runacunatapish mañachun cacharca. Chashna ruhuashpaca, ¿allichu causanga? Ari nishcata paquic runaca, ¿quishpiringachu?

EZEQUIEL 17:16

Mandac Dios ñuca shutipimi nini: Chai runa pai ari nishcata mana cazushcamantaca mandac cachun churashca jatun mandacpac Babilonia llactallapitacmi huañunga. Paihuan ari nishcata yangapi churashpami, pactachinacunatapish mana cazurca.

EZEQUIEL 17:19

Chaimantami Mandac Dios ñucaca: Ñucahuan ari nishcata yangapi churashpa, mana cazushcamantaca llaquichishatacmi. Chaitaca ñuca shutipimi nini.

EZEQUIEL 21:23

Jerusalenpi causaccunahuan ña ari nishca cashcamantami chai huillashcaca yangalla carca. Ashtahuanpish, chai mandacca paicuna mana allita ruhuashcata yuyachishpami prezu japinga.