EZEQUIEL 16:53 - Dios Rimashcata Quillcashcami

⁵³ Ñucami prezu apashcacunataca cutichimusha. Cambac huahuacunatapish, Sodomatapish, Samariatapish paicunapac huahuacunandimi cutichimusha.

EZEQUIEL 16:53 ပူးပေါင်းရင်းမြစ်များ

JOB 42:10

Job paipac ricsishca quimsa runacunamanta mañashca quipami Mandac Diosca paimanca ñaupa charishcamanta ishcai cutinhuan yallita bendiciarca.

SALMOS 126:1

Mandac Dios prezucunata Sionman cutichimucpica, muscushca shinami carca.

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

SALMOS 85:1

Mandac Dioslla, cambac llactapi causaccunahuanca yalli allimi carcangui. Jacobopac churicunatapish prezumanta llucchimurcanguimi.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

JEREMÍAS 20:16

Chai runaca Mandac Dios mana llaquishpa tucuchishca llacta shina cachun. Chai llactapica tutamantaca llaquihuan caparishca uyarichun. Chaupi punzhaca macanacuipi caparishca uyarichun.

JEREMÍAS 31:23

Israelcunapac tucuita Mandac Diosca: «Gentecunata prezumanta ñuca llucchimucpica, Judá llactapish, chai llactapi tiyac llactacunapish: “¡Cashcata ruhuashpa, causana llactalla, Diospac urculla, Mandac Dios bendiciachun!” ningami.

JEREMÍAS 46:27

Mandac Diosca: «Shina cacpipish, ñucata servic Jacobolla, ama manchaichu. Israelcunalla, ama manchaichicchu. Ñucami cancunataca caru llactamanta cacharichimusha. Cancunapac huahuacunatapish prezumanta quishpichimushami. Jacobopac huahuacuna cutishpaca imatapish mana manchashpami, cushilla causanga. Pipish mana manchachingachu.

JEREMÍAS 48:47

Shina cacpipish, tucuri punzhacunapimi Moab llactapi causaccunataca prezumanta cutin cutichimusha. Chaitaca Mandac Dios ñucami nini» ninmi. Moab llactata llaquichina cashcata huillashcaca caicamanllami.

JEREMÍAS 49:39

Shina ruhuashpapish, tucuri punzhacunapica Elam llactamanta prezu apashca gentecunataca cutichimushami. Chaitaca Mandac Dios ñucami nini» ninmi.

JEREMÍAS 49:6

Shina cashpapish chai quipaca ñucallatacmi Amón llactapi causaccunataca prezu apashcamanta cutichimusha. Chaitaca Mandac Dios ñucami nini» ninmi.

EZEQUIEL 16:52

Can, cambac ñañacunata atishpa, yallita juchallishcamantaca pingaiyari. Chashna yallita juchallishpami, cambac ñañacunapac juchacunataca imapish mana cashca shinata ruhuashcangui. Chaimanta pingaiyari, llaquita apaiyari. Cambac ñañacunapac juchacunaca cambac juchacunahuan ricucpica, mana ima ricurinchu.

EZEQUIEL 16:54

Can tucui millaicunata ruhuashcamanta pingaichishpa llaquichingapacmi cutichimusha. Chashnami canca paicunapac cushicuna tucungui.

EZEQUIEL 26:6

Mama cucha patapi causaccunaca jatun macanacuipimi huañunga. Chaita ricushpami, ñucataca Mandac Dios cashcata yachanguichic.

EZEQUIEL 29:14

Egiptomanta prezu apashcacunata cutichimushpami, paicuna huacharishca Patros llactallaman pushasha. Chaipimi uchilla llactata ruhuashpa causanga.

EZEQUIEL 39:25

Chaimantami Mandac Dios ñucaca: Cunanca Jacobopac huahua huahuacunataca pushamushpami israelcunata cuyac cashcata ricuchisha. Chashnami ñuca shutica jucha illac cashcata ricuchisha.

JOEL 3:1

Mandac Diosca: «Chai punzhacunapi, chai huatacunapica, Judá llactamanta, Jerusalenmanta prezu apashcacunata