EZEQUIEL 16:52 - Dios Rimashcata Quillcashcami

⁵² Can, cambac ñañacunata atishpa, yallita juchallishcamantaca pingaiyari. Chashna yallita juchallishpami, cambac ñañacunapac juchacunataca imapish mana cashca shinata ruhuashcangui. Chaimanta pingaiyari, llaquita apaiyari. Cambac ñañacunapac juchacunaca cambac juchacunahuan ricucpica, mana ima ricurinchu.

EZEQUIEL 16:52 ပူးပေါင်းရင်းမြစ်များ

GÉNESIS 38:26

Shina nicpimi, Judá chaicunata ricsishpaca: —Ñucaca Sela huambra jatun cacpipish, mana curcanichu. Chaimantaca paica allitami ruhuashca— nirca. Shina nishpami, mana ashtahuan chai huarmipi chayarirca.

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

JEREMÍAS 23:40

Shina ruhuashpami, cancunataca punzhanta pingaipi causachun saquisha. Chashnami jaicapi mana cungarishpa yalli pingaichishca huiñaita causanguichic” ninmi» ningui.

JEREMÍAS 3:11

Mandac Diosca: «Chai mana cazuc Judá llacta juchallishcahuan, mana cazuc Israel llacta juchallishcahuan chimbapurashpa ricucpica, Israelpac juchaca ashallami.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

JEREMÍAS 51:51

Paicunaca: «Caru llacta gentecunami Mandac Diospaclla huasi ucuman yaicushca. Chaimantami ñucanchicca burlashca, asishca, yallita pingaichishca canchic. Chaimantami ñahuita maipi churanata mana pudishpa, pingaihuan canchic» ningacuna.

EZEQUIEL 16:47

Canca paicuna shinami, millaita ruhuarcangui. Chai ruhuashcacuna ashalla cacpimi, ashtahuan millaita ruhuashpa causarcangui.

EZEQUIEL 16:48

Mandac Dios ñuca shutipimi nini: Cambac ñaña Sodomapish, paipac huahuacunapish mana cambac huahuacuna shinachu ruhuashca.

EZEQUIEL 16:53

Ñucami prezu apashcacunataca cutichimusha. Cambac huahuacunatapish, Sodomatapish, Samariatapish paicunapac huahuacunandimi cutichimusha.

EZEQUIEL 16:54

Can tucui millaicunata ruhuashcamanta pingaichishpa llaquichingapacmi cutichimusha. Chashnami canca paicunapac cushicuna tucungui.

EZEQUIEL 16:56

Canca, cambac ñaña Sodomataca jatun tucushpa, burlashpami llaquichircangui.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 32:24

Chaipimi Elampish tucui paipac gentecunandi siricun. Tucui paicunami jatun macanacuipi huañurca. Tucui llactacunata manchachishpa causaccunaca circuncisionta mana ruhuashca gentecunahuan pactami ashtahuan ucuman rishca. Paicunapish caishuc enterrashca gentecuna shinami mana alli nishca siricun.

EZEQUIEL 36:15

Shuctac llactapi causaccunapish ña mana ashtahuan camishpa rimangachu, ña mana burlashpa asingachu. Huahuacunapish mana ashtahuan huañungachu. Chaitaca Mandac Dios ñucami nini” ninmi ningui» nirca.

EZEQUIEL 39:26

Paicunapac llactapi imatapish mana manchashpa, cushilla causacushpaca, ñucata mana cazushpa, juchata ruhuashcamantaca mana pingangachu. Chaitaca cungaringami.

EZEQUIEL 44:13

Levitacunaca mana curacuna shina, ñucata servic pudingachu. Ñucapaclla cashcacunapipish, ñucapaclla chicanyachishcacunapipish mana tupari pudingachu. Ashtahuanpish millaita ruhuashcamantaca pingaichishcami canga.

OSEAS 10:6

Chai beci diostaca jatun mandacman cungapacmi Asiria llactaman apanga. Efraín ailluca pingaichishcami canga. Israelcunaca mana alli yuyaita cushcamantami pingai tucunga.

SAN LUCAS 6:37

Ama shuccunata juzgaichichicchu. Shina mana juzgacpica, Diospish cancunata mana juzgangachu. Ama shuccunata juchanchichicchu. Shina mana juchanchicpica, Diospish cancunata mana juchanchingachu. Shuccunata perdonaichic. Chashna perdonacpica, Diospish cancunapac juchacunata perdonangami.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

ROMANOS 2:10

Ashtahuanpish tucui allita ruhuaccunamanca Diosca mandac canatapish, cushi causaitapish, alli canatapishmi cunga. Chashnami puntaca israelcunaman cushpa, mana israelcunamanpish cunga.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.