5 Chashna can llaquinayai cacpica, pipish llaquishpa, mana imata ruhuarcachu. Ashtahuanpish, can huacharishca punzhapica millashcami pambapi shitashca carcangui.
Chaimantami Abrahamtaca: «Cai servic huarmitapish, cambac churitapish llucchishpa cachai. Cai servic huarmipac cari huahuaca ñuca huahua Isaacpac herenciata mana chaupinachu can» nirca.
Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.
Chaimantami Mandac Diosca: «¿Shuc mamaca paipac huahuata cungaringachu? ¿Paipac huicsapi huiñashca huahuataca piñangachu? Chai mama cungaricpipish, ñucaca cantaca manatac cungarishachu.
Aisashpa apashpami, Jerusalén pungumantaca canzhaman shitanga. Burro huañushcata shinami jutcupi enterranga.
Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.
Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.
Llactata tucuchicpica, llaquic huarmicunapish quiquin huahuatami yanushpa micurca.
Chacal animalcunapish, huahuacunata chuchuchinmi. Ashtahuanpish ñuca llactapi causac huarmicunaca shitashca pambapi causac avestruz shinami, huahuata mana llaquic tucushca.
Ñucaca cambac ladota pasacushpami, yahuarpi llaquinayaita mapayashca siricucta ricurcani. Chashna ricucpimi cantaca: ‘¡Causari!’ nircani. Ari, cantaca yahuarlla cacta ricushpami: ‘¡Causari!’ nircani.
Huañunalla runa, paicunaca mana cazuccunami. Shina cacpipish, ama manchanguichu. Paicuna rimashcatapish ama manchanguichu. Zarza casha chaupipi cashpapish, alacrancunapac chaupipi causacushpapish ama manchanguichu.
Espadahuan huañuchishca mai pambapi siricucpi, mana cashpaca ungüihuan huañushcapi, mana cashpaca huañushcapac tullupi, mana cashpaca huañushcata enterrashcapi tuparishpaca, canchis punzhacamanmi mapa canga.
Paitaca shitashca pambapimi tarirca. Manchana chaquishca pambapimi tarirca. Paimi tucui muyundita cuidarca. Paipac quiquin ñahuita shinami huacaichirca.