EZEQUIEL 16:20 - Dios Rimashcata Quillcashcami

²⁰ Chaipac jahuapica, ñucaman can cushca churicunatapish, ushicunatapish, chai dioscunaman cushpami, huañuchishpa tucuchircangui. ¿Huainayashca ashalla cacpichu,

EZEQUIEL 16:20 ပူးပေါင်းရင်းမြစ်များ

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

ÉXODO 13:12

punta huacharishca churicunatapish, animalcunatapish Mandac Diosman cunguichic.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

ISAÍAS 57:5

Cancunaca jatun yuracuna ucupi millana juchacunata ruhuanguichic. Yanga dioscunaman huahuacunata cushpami rupachinguichic. Pambacunapi, jatun rumi ladopimi ruhuashcalla dioscunaman huahuacunata cushpa huañuchinguichic.

JEREMÍAS 19:5

Baal diosman paicunapac churicunata cushpa tucuita rupachingapacmi altarcunata ruhuarca. Chaicunata ruhuachunca mana mandarcanichu, imatapish mana nircanichu. Shinallatac mana yuyarcanillapishchu.

JEREMÍAS 3:24

Huambramanta pachami ñucanchic taitacuna sinchita trabajashpa charishcatapish, chingachishpa causashcanchic. Chashnami paicunapac ovejacunapish, huagracunapish, churicunapish, ushicunapish tucurishca.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 16:21

ñuca huahuacunatapish huañuchishpa, imaman riccha dioscunaman cushpa rupachircangui?

EZEQUIEL 16:36

Mandac Diosca: Canca mana pingashpami lluchulla tucushpa huainayarcangui. Chashnami cambac cuyashcacunatapish, cambac millana ruhuashcalla dioscunatapish alli nircangui. Cambac huahuacunatapish chai dioscunaman cushpami rupachircangui.

EZEQUIEL 20:26

Tucui punta churicunata yanga dioscunaman rupachichun saquishpami, chai rupachishcacunatapish, paicunatapish mapayachircani. Ñucaca Mandac Dios cashcata yachachunmi chashna ruhuarcani” ninmi.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

EZEQUIEL 23:37

Paicunaca huainayaccunami, huañuchiccunami ruhuashcalla dioscunata adoraccunami. Shinallatac ñucahuan charishca churicunatapish chai dioscunaman cushpami rupachirca.

EZEQUIEL 23:39

Paicunapac huahuacunata paicunapac dioscunaman cushpa, rupachishca punzhallatacmi, ñucapaclla huasita mapayachingapac yaicurca. ¡Chaitami ñuca huasi ucupica ruhuarcacuna!

EZEQUIEL 23:4

Punta ñañaca Ohola, quipa ñañaca Oholibami carca. Paicunaca ñuca huarmicunami carca. Chaimantami churicunatapish, ushicunatapish ñucaman curcacuna. Oholaca Samariatami ricuchin, Oholibaca Jerusalentami ricuchin.

EZEQUIEL 8:17

Chaimantami ñucataca: «Huañunalla runa, ¿manachu caitaca ricungui? ¿Judá llactapi causaccuna yalli millaita ruhuashcaca ashallachu? Paicunaca millaita ruhuashpami, cai llactapi yalli piñanacuita churashpa, ñucataca ashtahuan piñachin. Paicunapac singapipish ramacunatami churarin.

MIQUEAS 6:7

Mandac Diosca, ¿huaranga huaranga cari ovejacunata chasquingachu? Mana cashpaca, ¿chunga huaranga tucyacuc aceiteta cucpica cushicungachu? Ñuca mana cazushcamantaca, ¿ñuca punta churitachu cusha? Ñuca juchamantaca, ¿ñucamanta llucshishca huahuatachu cusha?