EZEQUIEL 16:13 - Dios Rimashcata Quillcashcami

¹³ Canca curihuan, cullquihuan allichishcami carcangui. Alli linomanta, sedamanta ruhuashca sumac churanatami churarircangui. Micunatapish ashtahuan alli trigo harinata, abeja mishquita, aceitetami micurcangui. Chashnami canca tucuimanta yalli alli tucushpa, jatun mandacpish tucurcangui.

EZEQUIEL 16:13 ပူးပေါင်းရင်းမြစ်များ

GÉNESIS 17:6

Canmantaca achcatami mirachisha. Canmantami jatun llactacunatapish ruhuasha, jatun mandaccunapish canmantami llucshinga.

2 SAMUEL 8:15

Davidca tucui israelcunatami mandacurca. Paica allita ruhuashpami, imatapish cashcata ruhuashpa mandacurca.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

ESDRAS 5:11

Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

JOB 29:6

Lecheca yallitami tiyac carca. Aceiteca yacu shinami rumimanta llucshic carca.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

SALMOS 50:2

Tucuita yalli sumac Sión urcumantami Diosca achicyachishca.

SALMOS 81:16

Diosca ashtahuan alli trigotapish, rumipi tiyac bunga mishquitapish mana nictami caranman carca.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

JEREMÍAS 13:20

Jahua lado llactamanta shamuccunata huichai ricuichicyari. ¿Maipitac canman saquishca sumac ovejacunaca?

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

EZEQUIEL 16:10

Sumac churanata churachishpami, chaquipipish tejón caramanta ruhuashca ushutata churachircani. Linomanta, sedamanta ruhuashca churanatami churachircani.

EZEQUIEL 16:17

Ñuca cushca curihuan cullquihuanmi runaman riccha dioscunata ruhuashpa, paicunahuan huainayarcangui.

EZEQUIEL 16:19

Canman ñuca cushca tandatapish, alli trigo harinatapish, aceitetapish, abeja mishquitapish paicunaman mishquilla ashnachunmi, paicunapac ñaupapi rupachircangui. Chaitaca Mandac Dios ñucami nini.

EZEQUIEL 23:40

Chaipac jahuapica caru llacta gentecunata pushamuchunmi huillaccunata cacharca. Shina shamucpica, paicunaman alaja ricuringapacmi armarishpa, ñahuitapish pintarirca. Shinallatac tucuilaya sumaccunatapish churarircami.

EZEQUIEL 27:16

Canca yallitami charircangui. Chaimantami Edom llacta gentecunapish canhuan randishpa, catushpa causac carca. Paicunaca perlascunata, yana puca telacunata, bordashca churanacunata, tucuimanta yalli alli lino telacunata, coralta, rubíes rumicunata apashpami, randingapac shamuc carca.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

DEUTERONOMIO 8:8

Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 12:12

Ashtahuanpish amonitacunata jatun mandac Nahas cancunata piñashpa macanacungapac shamucta yachashpaca: “Ñucanchicta mandachunca shuc jatun mandactami munanchic” nircanguichic. Cancunata Mandac Dios cancunapac jatun mandac cacpipish, shuctac mandacta charinatami munarcanguichic.