EZEQUIEL 16:11 - Dios Rimashcata Quillcashcami

¹¹ Cantaca sumacta allichishpami, maquipica brazaletecunata, cungapica huallcata churachircani.

EZEQUIEL 16:11 ပူးပေါင်းရင်းမြစ်များ

GÉNESIS 24:22

Ña camellocuna yacuta ubiacpica, chai servic sucta gramosta pezac curi sortijasta, patsac gramosta pezac ishcai manillata cushpaca:

GÉNESIS 24:47

Chai quipami ñuca tapushpaca: “¿Pipac ushitac cangui?” nicpimi paica: “Nacorpac churi Betuelpac ushimi cani, ñuca mamaca Milcami” nirca. Shina nicpica, shuc sortista singapi churachircanimi. Shinallatac maquipipish manillata churachircanimi.

GÉNESIS 24:53

Chai quipaca cullquimanta, curimanta ruhuashca sumaccunata, sumac churanacunata llucchishpami Rebecamanpish, paipac turimanpish, mamamanpish curca.

GÉNESIS 35:4

Shina nicpimi, paicuna charishca chican dioscunatapish, ringripi churashca zarcillocunatapish Jacoboman curca. Chashna cucpimi, Jacoboca Siquem llacta ladopi tiyac encina yura ucupi pacarca.

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

ESTER 2:17

Jatun mandacca Estertaca tucui huarmicunamanta yallimi ashtahuan cuyarca. Esterca carihuan manarac chayarishca, tucui solteracunamanta yalli allimi jatun mandacpac ñaupapica ricurirca. Chaimantami paitaca jatun mandaccuna churarina coronata paipac umapi churachishpa, Vasti huarmipac randi jatun mandac cachun churarca.

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

ÉXODO 32:2

Shina nicpimi Aaronca: —Cancunapac huarmicuna, churicuna, ushicuna ringripi churashca curi zarcillocunata apamuichic— nirca.

ÉXODO 35:22

Alli shunguyuc caricunapish, huarmicunapish tucui munaihuanmi cadenacunata, sortejascunata, brazaletecunata, zarcillocunata, curimanta ruhuashca tucuilaya sumaccunata apamurca.

PROVERBIOS 1:9

Chai yuyaicunaca sumac coronata cambac umapi churarishca shina, sumac huallcata cungapi churarishca shinami canga.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 4:9

Cambac umapica sumac coronatami churachinga. Sumaimana coronatami cunga» nishpami yachachic carca.

CANTARES 1:10

Cambac ñahuica zarcillocuna chaupipica mai sumacmi ricurin. Cambac cungapish huallca chaupipica sumacmi ricurin.

CANTARES 4:9

Ñuca panilla, ñuca cuyashca huarmilla, ñuca shunguta shuhuashcanguimi. Cambac ricuillahuanmi ñuca shungutaca shuhuarcangui. Cambac huallcahuanmi huatac shina aparcangui.

ISAÍAS 28:5

Chai punzhapica tucuita Mandac Diosca pai acllashcapuramanta saquirishcacunapacca sumaimana achic nicuc corona shina, umapi churarina diadema shinami canga.

ISAÍAS 3:19

Zarcillocunatapish, brazaletecunatapish, uma tapanacunatapish,

ISAÍAS 3:21

sortijascunatapish, singapi churarinacunatapish,

LAMENTACIONES 5:16

Ñucanchic umamantaca coronapish urmarcami. ¡Aij, ñucanchiclla, juchallishcamantami cashna llaquipi canchic!

EZEQUIEL 16:17

Ñuca cushca curihuan cullquihuanmi runaman riccha dioscunata ruhuashpa, paicunahuan huainayarcangui.

EZEQUIEL 23:40

Chaipac jahuapica caru llacta gentecunata pushamuchunmi huillaccunata cacharca. Shina shamucpica, paicunaman alaja ricuringapacmi armarishpa, ñahuitapish pintarirca. Shinallatac tucuilaya sumaccunatapish churarircami.

EZEQUIEL 23:42

Paihuan tandanacushca gentecunami caparishca uyarirca. Paicunaca shitashca pambamanta shamushca sabeocuna, yanga gentecunami carca. Chai gentecunami cai huarmicunapac maquipica brazaletecunata, umapica sumac coronacunata churachirca.

DANIEL 5:16

Ñucaca cantaca muscushcata huillashpa, ima llaquitapish allichic cashcatami uyani. Cunan cai quillcata rezashpa, cai quillca imata nisha nicushcata huillacpica, morado churanatami churachisha. Shinallatac cungapica curi huallcata churarishpami quimsaniqui mandanapi mandangui— nirca.

DANIEL 5:29

Shina nicpimi, Belsasarca Danielmanca morado churanata churachirca. Cutin cungapica curi huallcatami churachirca. Chashna churachishpami llactata quimsaniqui mandacta ruhuarca.

DANIEL 5:7

Chaimantami jatun mandacca brujocunata, caldeocunata, adivinocunata apamuchun sinchita caparirca. Chaimantami jatun mandacca Babilonia llactapi causac chai yachaccunataca: —Maijanpish cai pircapi quillcashcata rezashpa, imata nisha nicushcata huillacmanca morado churanatami churachisha. Cutin cungapica curi huallcatami churachisha. Paimi quimsaniqui mandac canga— nirca.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

LEVÍTICO 8:9

Cutin umapica mitrata churachishpami, ñaupamanca Diospaclla cashcata ricuchishpa, curi latapi quillcashpa churarca. Moisesca Mandac Dios mandashca shinallatacmi ruhuarca.

NÚMEROS 31:50

Chaimantami Mandac Diosman cungapac ñucanchicca curimanta ruhuashca collarcunata, sortejascunata, manillacunata, zarcillocunata, cadenacunata apamunchic. Caicunataca ñucanchic juchata Mandac Dios pichachunmi apamunchic» nirca.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

APOCALIPSIS 4:10

Chashna nicucpimi chai ishcai chunga chuscu yuyaccunaca coronacunata pambapi churashpa, huiñai huiñaita causacuc chai mandashpa tiyarinapi tiyacucpac ñaupapi cungurishpaca:

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

JUECES 8:24

Cutin Gedeón rimashpaca: —Cancunamanca caillatami mañagrini: Tucui mashna macanacuipi japishca zarcillocunata ñucaman cuichic— nirca. (Paicunaca ismaelitacuna cashpami curi zarcillocunahuan carca).