EZEQUIEL 16:10 - Dios Rimashcata Quillcashcami

¹⁰ Sumac churanata churachishpami, chaquipipish tejón caramanta ruhuashca ushutata churachircani. Linomanta, sedamanta ruhuashca churanatami churachircani.

EZEQUIEL 16:10 ပူးပေါင်းရင်းမြစ်များ

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

SALMOS 45:15

Yallita cushicushpami jatun mandac mandashpa tiyana huasiman apamushca cangacuna.

ÉXODO 25:5

pucapi tiñishca oveja carata, delfín carata, acacia caspita japingui.

ÉXODO 26:14

Ñucahuan tupana huasita catangapacca oveja carata pucahuan tiñishpa ruhuangui. Jahuata catangapacca delfín carata ruhuangui.

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 28:5

Chaicunataca curimanta, azul, morado, sani pucata, shinallatac lino puchcamantami ruhuanga.

PROVERBIOS 31:22

Pullucunatapish paillatacmi ruhuan. Paipac churanacunapish ashtahuan alli linota ahuashca yana puca churanami.

ISAÍAS 3:23

espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

EZEQUIEL 16:13

Canca curihuan, cullquihuan allichishcami carcangui. Alli linomanta, sedamanta ruhuashca sumac churanatami churarircangui. Micunatapish ashtahuan alli trigo harinata, abeja mishquita, aceitetami micurcangui. Chashnami canca tucuimanta yalli alli tucushpa, jatun mandacpish tucurcangui.

EZEQUIEL 16:18

Cambac sumac churanacunatami chaicunaman churachircangui. Ñuca aceitetapish, ñuca inciensotapish, paicunapac ñaupapimi churarcangui.

EZEQUIEL 16:7

Chashnami pamba quihuata shina huiñachircani. Ña huiñashpa jatunyashpaca, sumac huarmimi tucurcangui. Cambac chuchucunapish, cambac acchapish huiñarcami. Ashtahuanpish canca churana illac lluchullami carcangui.

EZEQUIEL 26:16

Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

EZEQUIEL 27:16

Canca yallitami charircangui. Chaimantami Edom llacta gentecunapish canhuan randishpa, catushpa causac carca. Paicunaca perlascunata, yana puca telacunata, bordashca churanacunata, tucuimanta yalli alli lino telacunata, coralta, rubíes rumicunata apashpami, randingapac shamuc carca.

EZEQUIEL 27:7

Barcota apac pañoca Egiptopi bordashca sumac pañomi carca. Carpaca mama cucha ladopi cac Elisa llactamanta azul, yana puca telami carca.

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

APOCALIPSIS 18:12

Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.