EZEQUIEL 14:4 - Dios Rimashcata Quillcashcami

⁴ Chaimanta canca: “Mandac Diosca: Israelcunapuramanta maijan ruhuashcalla dioscunata tucui shunguhuan adorashca jahua, shinallatac juchapi urmachicta ricushca jahua ñuca ima nishcata huillacman tapungapac shamuc runataca pai ruhuashcalla dioscunata charishca shinallatacmi llaquichisha.

EZEQUIEL 14:4 ပူးပေါင်းရင်းမြစ်များ

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

ISAÍAS 66:4

ñucapish chashnallatacmi paicunataca mana alli nishpa, paicuna manchana jatun llaquita cachasha. Paicunata ñuca cayacpica, pipish mana cutichircachu. Ñuca rimacpica, mana uyarcachu. Chaipac randica ñuca ñaupapi mana allita ruhuashpami, ñuca millashcatarac ruhuanata munarcanguichic» ninmi.

EZEQUIEL 14:3

«Huañunalla runa, cai runacunaca ruhuashcalla dioscunata yallita adorashpami, juchapi urmashcacuna. Chashna ruhuashca jahua ñucata tapungapac shamuchunca, ¿maitatac saquishayari?

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

EZEQUIEL 14:7

Maijan israelcunapish, Israel llactapi causac shuctac llacta runacuna ñucata saquishpa, ruhuashcalla dioscunata adorashpa, juchapi urmashpa, ñuca ima nishcata huillacta tapungapac shamucpica, ñuca quiquinmi cutichisha.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

EZEQUIEL 3:4

Chai quipaca: «Huañunalla runa, israelcunapacman rishpa, ñuca rimashcata huillai.

EZEQUIEL 44:12

Paicunaca ruhuashcalla dioscunata servishpami, israelcunata pandachirca. Chaimantami paicunata llaquichisha. Chaitaca Mandac Dios ñucami nini.

SOFONÍAS 1:3

Gentecunatapish, animalcunatapish, volac animalcunatapish, mama cuchapi causac challuacunatapish, ñucata mana manchaccunatapish, cai pachapi causac gentecunatapish, tucuitami chingachisha.