EZEQUIEL 14:18 - Dios Rimashcata Quillcashcami

¹⁸ Mandac Dios ñuca shutipimi nini: Chai quimsa runacuna cai llacta chaupipi causacucpica, paicunapac churicunapish, ushicunapish mana quishpiri pudinmanchu, ashtahuanpish chai quimsa runacunallami quishpirinman.

EZEQUIEL 14:18 ပူးပေါင်းရင်းမြစ်များ

JEREMÍAS 27:18

Paicuna ñuca ima nishcata huillaccuna cashpaca, ñuca rimachicpica, ñucapac huasipi, Judá llactata jatun mandacpac huasipi, Jerusalenpi saquirishca ima charishcacunata Babilonia llactaman ama apachun, tucuita Mandac Dios ñucata mañachun.

EZEQUIEL 12:15

Chashna caita, chaita cachacpimi, ñucataca Mandac Dios cashcata yachanga.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 14:16

Mandac Dios ñuca shutipimi nini: Chai quimsa runacuna cai llacta chaupipi causacucpica, paicunapac churicunapish, ushicunapish mana quishpiri pudinmanchu. Ashtahuanpish paicunallami quishpirinman. Cai llactaca llaquinayaitami shitashca saquirinman.

EZEQUIEL 14:17

Jatun macanacuita cai llactapi callarichishpaca gentecunatapish, animalcunatapish tucuchimanmi.

EZEQUIEL 14:19

Mana cashpaca, ñuca yallita piñarishpa, jatun ungüita cai llactaman cachashpaca, gentecunatapish, animalcunatapish huañuchimanmi.