EZEQUIEL 13:7 - Dios Rimashcata Quillcashcami

⁷ Huillaccuna, cancuna muscuipi shina ricushcaca, ¿manachu yangalla? ¿Manachu huillashcapish llullalla? Cancunaca manapish ñuca rimashcata huillashpami ‘Mandac Diosmi cashna nin’ nishpa huillanguichic” ninmi.

EZEQUIEL 13:7 ပူးပေါင်းရင်းမြစ်များ

NEHEMÍAS 6:12

Shinallatac paica mana Dios cachashca, ashtahuanpish Sanbalatpish, Tobiaspish cullquita cushpa Dios huillashcata huillac shina tucushpa, ñucata llaquichichun cachashcatami yacharcani.

ISAÍAS 30:10

Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

EZEQUIEL 13:6

Paicuna muscushcapish yangallami, shinallatac llullashpami: ‘Mandac Diosmi chashna nin’ nishpa huillan. Ashtahuanpish ñucaca paicunataca mana cacharcanichu. Shina cacpipish, paicunaca tucui huillashcacunata ñuca pactachichunmi shuyancuna.

EZEQUIEL 22:28

Huillaccunapish, pircata yurac-huan pintashca shinami, imatapish llullashpa huillashpaca: ‘Mandac Diosca chashnami nin’ nincuna. Ashtahuanpish Mandac Dios ñucaca imata mana nircanichu.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.