EZEQUIEL 13:3 - Dios Rimashcata Quillcashcami

³ Mandac Diosca: ¡Aij, imatapish mana ricushpa, quiquin yuyaimanta llullashpa huillac, juizhu illac huillaccunalla!

EZEQUIEL 13:3 ပူးပေါင်းရင်းမြစ်များ

PROVERBIOS 15:14

Alli yuyaita charic shunguca alli yachaitami mashcan. Ashtahuanpish mana entendic runaca yanga rimaicunallahuanmi sacsac shina causan.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

JEREMÍAS 23:1

Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

JEREMÍAS 28:15

Chaimanta Jeremiasca Hananiastaca: «¡Hananías allita uyai! Mandac Diosca mana canta huillachun cachashcachu. Ashtahuanpish canca llullashpallami cai gentecunataca crichishcangui.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 13:18

Canca: “Mandac Diosca: ¡Aij, brujocuna maquicunapi huatarina cintata siraccunalla, ñuca acllashcacunata urmachingapac umapi huatarina telata ruhuac huarmicunalla! Cancunaca, ¿ñuca acllashcacunata urmachishpaca quishpiringuichicchu?

EZEQUIEL 13:4

Chaica, Israel llacta huillaccunaca shitashca pambapi puric añascuna shinami.

EZEQUIEL 34:2

«Huañunalla runa, Israel michiccuna llaqui tucunata huillashpa, Mandac Diosca: “¡Israel michiccunalla, cancunallami cuidaricunguichic! ¿Manachu michiccunaca ovejacunata cuidana can?

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

ZACARÍAS 11:15

Chashna ruhuacpimi, Mandac Diosca: «Cunanca, yuyai illac michic ima shina cashcata ricuchi.

SAN LUCAS 11:40

Yuyai illaccuna, ¿manachu Diosca ucutapish, jahuatapish ruhuarca?

SAN LUCAS 11:52

¡Mandashcacunata yachachiccunalla, imachari tucunguichic! Cancunaca Diosmanta yachana yuyaitaca huichcanguichicmi. Cancunapish mana yachanguichic. Shinallatac shuccuna yachachunpish, mana saquinguichic— nirca.

1 CORINTIOS 9:16

Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

1 TIMOTEO 6:4

imatapish mana yachac, jatun tucushca, caica cashnami nicun nishpa, shuccunahuan piñanacunallatami munan. Chashna cashpami shuccuna shina casha nin, macanacun, rimanacun, shuccuna mana alli cashcata yuyan.

2 TIMOTEO 3:9

Shina cashpapish tucui gentecuna paicuna juizhu illac cashcata yachashpami, chai runacuna tucushca shina, mana unai huatacaman crichingacuna.