EZEQUIEL 13:20 - Dios Rimashcata Quillcashcami

²⁰ Chaimantami Mandac Dios ñucaca: “Brujocuna maquipi huatarina cintacunataca tucuchishami. Chaicunahuanmi gentecunataca zhutacunata japic shina urmachinguichic. Cancuna urmachishca ñuca acllashcacunataca cancunapac maquimantami cacharichisha. Chashna ruhuacpica, zhutacuna shinami volanga.

EZEQUIEL 13:20 ပူးပေါင်းရင်းမြစ်များ

EZEQUIEL 13:18

Canca: “Mandac Diosca: ¡Aij, brujocuna maquicunapi huatarina cintata siraccunalla, ñuca acllashcacunata urmachingapac umapi huatarina telata ruhuac huarmicunalla! Cancunaca, ¿ñuca acllashcacunata urmachishpaca quishpiringuichicchu?

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

EZEQUIEL 13:21

Shinallatac cancuna ruhuashca umapi huatarina telacunatapish lliquishami. Ñuca acllashcacunataca cancunapac maquimanta cacharichishami. Paicunaca mana ashtahuan cancunapac maquipi yaicungachu. Chaita ricushpami, ñucataca Mandac Dios cashcata yachanguichic.