EZEQUIEL 13:19 - Dios Rimashcata Quillcashcami

¹⁹ Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

EZEQUIEL 13:19 ပူးပေါင်းရင်းမြစ်များ

PROVERBIOS 17:15

Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

PROVERBIOS 19:27

Ñuca churilla, alli yuyaicunata cushcata mana uyashpaca, alli yachaimantami caruyacungui.

PROVERBIOS 28:21

Ñahuita ricushpalla chicanyachinaca mana allichu. Maijancunaca ashalla micunallamantami juchallincuna.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 23:17

Paicunaca ñuca rimashcata piñaccunataca: “Cancunaca cushillami causanguichic” nincunami. Shinallatac maijanpish paicunapac shungu munashcata ruhuashpa causaccunataca: “Cancunaca mana llaqui tucunguichicchu” ninmi» nirca.

EZEQUIEL 13:20

Chaimantami Mandac Dios ñucaca: “Brujocuna maquipi huatarina cintacunataca tucuchishami. Chaicunahuanmi gentecunataca zhutacunata japic shina urmachinguichic. Cancuna urmachishca ñuca acllashcacunataca cancunapac maquimantami cacharichisha. Chashna ruhuacpica, zhutacuna shinami volanga.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

EZEQUIEL 20:39

Mandac Dios ñucaca israelcunataca: Tucui cancuna ñucata mana cazushpa, cancunapac ruhuashcalla dioscunata servishpa catichiclla. Ashtahuanpish cancunapac yanga dioscunata servishpa, chaicunaman ofrendata cushpa, ama ñuca jucha illac shutita yangapi churaichicchu.

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

EZEQUIEL 22:26

Curacunapish, ñuca mandashcacunata mana cazushpami, ñucapaclla chicanyachishca pushtucunata mapayachin. Imami ñucapaclla cashcatapish, imami mapa cashcatapish mana yachancunachu. Imami chuya, imami mapa cashcatapish mana yachancunachu. Samana punzhatapish mana yuyarincunachu. Chashnami ñucata yangapi churancuna.

EZEQUIEL 22:27

Mandaccunapish animalcunata japic atuc shinami, millaita ruhuashpa cullquita japingaraicu gentecunata huañuchishpa, yahuarta jichancuna.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

ROMANOS 14:15

Can imatapish micushpa, shuctac criccunata llaquichishpaca, mana cuyac cashcatami ricuchingui. Can micushcallamanta pacta shuctac criccuna chingarinman. Paicunamantapishmi Cristoca huañurca.

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

1 CORINTIOS 8:11

Can yachashca jahua chashna ruhuashcamantaca, chai manarac sinchi cricca pacta chingaringapac rinman. Cristoca paimantapish huañurcami.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

1 SAMUEL 9:7

Shina nicpimi Saulca: —Shina cashpaca jacu. Ashtahuanpish chai runaman carangapacca ¿Imatatac apashun? Ñucanchicpac cucayu tandapish, tucurishcami. Diospaclla runaman carangapacca imata mana charinchicchu— nirca.