EZEQUIEL 13:13 - Dios Rimashcata Quillcashcami

¹³ Chaimantami Mandac Dios ñucaca: “Yallita piñarishpami, chai pircataca acapana huairahuan urmachisha. Chashna piñarishpami manchana tamyatapish, rumi shina rundutapish cachasha.

EZEQUIEL 13:13 ပူးပေါင်းရင်းမြစ်များ

JOB 38:22

¿Canca maipi rasu tiyac ucumanpish, rundu tiyac ucumanpish yaicushcanguichu?

JOB 38:23

Chaicunataca llaqui punzhacunapac, jatun macanacui punzhacunapac, jatun huañunacui punzhapacmi huacaichishpa charicuni.

SALMOS 105:32

Paicunapac llactamanca tamaipac randica runduta, shinallatac rupacuc ninatami cacharca.

SALMOS 107:25

Pai rimashpami jatun huairata cachashpa, yacutaca jahuata jatarichirca.

SALMOS 148:8

Rayopish, rasupish, rundupish, puyupish, pai rimashcata pactachic acapana huairapish,

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

JEREMÍAS 23:19

Mandac Dios piñarishcaca mancharina acapana huaira shinami shamun. Paica acapana huairahuan shinami, mana allita ruhuaccunata llaquichinga.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

LAMENTACIONES 2:3

Nina japiric shina piñarishpami, israelcunapac fuerzata chingachirca. Piñaccunapac ñaupapipish mana ayudarcachu. Nina japirishpa, muyundita rupachic shinami, Jacobopac aillucunata tucuchirca.

LAMENTACIONES 2:4

Piñac runa shinami, paipac arcocunata cacharirca. Sumac tiyashcacunataca paipac alli maquihuanmi mana ricunayachic runa shina tucuchirca. Nina japiric shina piñarishpami, Sionpi tiyac carpa huasicunataca llaquichirca.

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

EZEQUIEL 13:12

Riquichic, chai pirca urmacpica, ¿manachu cancunataca: ‘Turuhuan llutashca pircaca, ¿ima nishpatac urmanyari? nishpa tapunga?’ nini” ninmi ningui.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

HAGEO 2:17

Ñuca, cancuna tarpushca chagracunata rupac huairahuan, shuctac ungüihuan, runduhuan chingachicpipish, mana ñucapacman cutirircanguichicchu.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 16:21

Jahua pachamantaca shuc quintal shina llashac runducunami tucui gentecunapac jahuapi urmarca. Shina urmashpa yallimana llaquichicpimi, gentecunaca Diosta piñashpa rimarcacuna.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.