EZEQUIEL 12:20 - Dios Rimashcata Quillcashcami

²⁰ Gentecuna causacuc llactacunapish tucuimi tucuchishca canga. Pambacunaca llaquinayaitami shitashca saquiringa. Chashna ruhuacpimi, ñucataca Mandac Dios cashcata yachangacuna nini” ninmi ningui» nirca.

EZEQUIEL 12:20 ပူးပေါင်းရင်းမြစ်များ

ISAÍAS 24:12

Llactacunaca llaquitami tucurishca. Pungucunapish tucui paquirishpa urmashpami siricun.

ISAÍAS 24:3

Tucui allpaca chushaclla, tucui imapish illacmi saquiringa. Chaitaca Mandac Diosmi nin.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

JEREMÍAS 16:9

Israelcunapac tucuita Mandac Dios ñucaca: Cai llactapica cushicushpa yallita asinapish mana tiyangachu. Shinallatac noviocuna, noviacuna cushicushpa cantanapish mana tiyangachu. Chashnami cancuna causacui punzhapi, cancunapac ñaupapi tucunga nini.

JEREMÍAS 19:11

Shinallatac paicunataca: “Tucuita Mandac Diosca: Caipi causaccunatapish, cai llactatapish ñutuchigrinimi. Puñuta maijan paquicpi, cutin mana allichipactami saquigrini. Huañushcacunatapish maipi enterrana mana tiyacpimi, chai Tofet pamballapitac enterranga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

LAMENTACIONES 5:18

Sión urcuca llaquinayaita shitashca urcumi tucushca. Chacal animalcunami puricun.

EZEQUIEL 12:15

Chashna caita, chaita cachacpimi, ñucataca Mandac Dios cashcata yachanga.

EZEQUIEL 12:21

Mandac Dios ñucata rimashpaca:

EZEQUIEL 15:6

Chaimantami Mandac Dios ñucaca: Ima shinami sacha yuracunapac chaupimanta uvas ramata japishpa, ninapi tucui rupachircani, chashnallatacmi Jerusalenpi causaccunatapish ruhuasha.

EZEQUIEL 15:8

Ñucata mana cazushcamantami cai llactataca llaquinayaita tucuchishpa saquisha» nirca.

EZEQUIEL 36:3

Chaimanta llaqui tucunata huillashpa, Mandac Diosca: Cancunataca tucui ladomanta shamushpa, muyunacushpami tucuchinga. Shuctac llactamanta shamushpami japinga. Cancunataca gentecuna burlana, mana alli ninatami ruhuanga.

EZEQUIEL 5:14

Jerusalén, cantaca shitashca pambata ruhuashpami saquisha. Muyundi llactacunapi causaccunapish, chaita puriccunapish burlashpami asinga.

DANIEL 9:17

Mandac Dioslla, cunanca can cuyac cashcamanta canta servic mañashcata uyaiyari. Mandac Dioslla, shitashca siricuc cambaclla huasita ricushpa achicyachiyari.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.