EZEQUIEL 12:11 - Dios Rimashcata Quillcashcami

¹¹ Shinallatac: “Ñucami cancuna ima tucunata ricuchicca cani. Ima shinami ñuca ruhuarcani, chai shinallatacmi cancunatapish ruhuanga. Cancunaca prezumi ringuichic.

EZEQUIEL 12:11 ပူးပေါင်းရင်းမြစ်များ

2 REYES 25:11

Soldadocunata mandac Nabuzaradanca chai pueblopi maijan saquirishca gentecunatapish, Babilonia llactata jatun mandac-huan tucushca gentecunatapish, huaccha gentecunatapish prezumi aparca.

2 REYES 25:7

Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

JEREMÍAS 10:17

Muyundita pircashca llactapi causaccuna, cancuna charishcacunata tandaichic.

JEREMÍAS 15:2

Paicuna: “¿Maimantac rishunyari?” nicpica, Mandac Diosca: “Huañungapac caccunaca huañuchun. Jatun macanacuipi huañungapac caccunaca jatun macanacuipi huañuchun. Yarcaihuan huañungapac caccunaca yarcaihuan huañuchun. Prezurina caccunaca prezurichun” ninmi ningui.

JEREMÍAS 52:15

Soldadocunata mandac Nabuzaradanca Jerusalenpi causac huacchacunatapish, chai llactapi saquirishca gentecunatapish, Babilonia llactata jatun mandacpac parte tucushca gentecunatapish, chai llactapi causac artesanocunatapish apamuchun mandarcami.

EZEQUIEL 12:3

Huañunalla runa, quipita allichishpa, paicuna ricucucpi, can causacushcamanta punzha pacha llucshishpa ringui. Chaita ricushpaca entendingapishchari. Paicunaca mana cazuccunami.

EZEQUIEL 12:6

Paicuna ricucucpi, quipita apashpa amsayanata llucshingui. Llactata mana ricungapacca ñahuita taparingui. Cantaca israelcunapac jatun llaqui shamuna cashcata ricuchichunmi churarcani» nirca.

EZEQUIEL 4:1

Huañunalla runa, shuc adobeta japishpa, cambac ñaupapi churashpa, chaipi Jerusalenta dibujai.

EZEQUIEL 4:3

Shinallatac shuc fierro planchata japishpa, pirca shinata chai Jerusalenhuan, canhuan chicanyachic jatun pirca shinata ruhuai. Chai quipaca, chai pueblota can llaquichingapac chimbapurashpa chapacuc shinata ruhuangui. Chai fierroca can ama ricuchun jarcac shinami canga. Chaimi israelcunamanca señal canga.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.