EZEQUIEL 11:10 - Dios Rimashcata Quillcashcami

¹⁰ ¡Cancunaca jatun macanacuipimi huañunguichic! Israel llacta linderocunapimi cancunataca taripashpa llaquichisha. Chashna ruhuacpimi, ñucataca Mandac Dios cashcata yachanguichic.

EZEQUIEL 11:10 ပူးပေါင်းရင်းမြစ်များ

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

2 REYES 14:25

Israelcunata Mandac Dios paita servic Jonasman ima shina huillashca shinallatacmi Israel llacta punta linderotaca Hamat puebloman yaicuna ladomantaca Arabá mama cucha ladocaman cutin allichishpa japirca. Jonasca Gat-hefer pueblomanta Amitaipac churimi carca.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

JEREMÍAS 39:6

Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

EZEQUIEL 13:14

Chashnami cancuna turuhuan llutashca pircataca urmachishpa, tucui chingachisha. Callari rumicunapish ricunallami saquiringa. Chai pirca urmacpica, tucuimi huañunguichic. Chashna ruhuacpimi, ñucataca Mandac Dios cashcata yachangacuna.

EZEQUIEL 13:21

Shinallatac cancuna ruhuashca umapi huatarina telacunatapish lliquishami. Ñuca acllashcacunataca cancunapac maquimanta cacharichishami. Paicunaca mana ashtahuan cancunapac maquipi yaicungachu. Chaita ricushpami, ñucataca Mandac Dios cashcata yachanguichic.

EZEQUIEL 13:23

Chaimantami muscuipi shina yangalla ricunatapish mana ricunguichic. Mana llullashpa huillanguichic. Ñuca acllashcacunataca cancunapac maquimantami cacharichisha. Shina ruhuacpimi, ñucataca Mandac Dios cashcata yachanguichic” ninmi ningui» nirca.

EZEQUIEL 13:9

Manapish ricushpa yangata rimaccunatapish, llullac huillaccunatapish ñucaca piñashami. Paicunaca ñuca acllashca israelcunahuan mana tandanacungachu. Israelcunapac shuticunata quillcana libropipish mana quillcashcachu canga. Israel llactamanpish mana cutingachu. Chashna ruhuacpimi, ñucataca Mandac Dios cashcata yachanguichic.

EZEQUIEL 6:7

Huañushcacunapish cancunapac chaupillapitacmi urmanga. Chaita ricushpami, ñucataca Mandac Dios cashcata yachanguichic.

JOSUÉ 13:5

Shinallatac giblitascunapac llactapish, inti llucshina ladoman cac Líbano tucui llactapish tiyanracmi. Hermón urcu chaquipi tiyac Baal-gad pueblomanta Lebo-hamat pueblocamanmi tiyanrac.