EZEQUIEL 10:6 - Dios Rimashcata Quillcashcami

⁶ Shinallatac Mandac Diosca lino churanata churashca runataca: «Querubincunapac ruedacuna ucumanta ninata japi» nirca. Chaimantami chai runaca ninata japingapac yaicushpa, ruedacuna ladopi shayarirca.

EZEQUIEL 10:6 ပူးပေါင်းရင်းမြစ်များ

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

EZEQUIEL 10:2

Chaimantami Mandac Diosca lino churanata churarishca runataca: «Querubincunapac ucupi tiyacuc rueda ucuman yaicushpa, rupacuc carbonta maqui jundata japishpa, pueblo jahuata shic-huai» nirca. Shina nicpimi, chai runaca ñuca ricucucpi yaicurca.

EZEQUIEL 10:5

Shinallatac querubincunapac alascuna patac nishcapish Mandac Dios rimashca shinami, paipac huasi ucupi tiyac canzha pambacaman uyarirca.

EZEQUIEL 10:7

Chai querubincunapuramanta shucca paicunapac chaupimanta ninata japishpami, lino churanata churashca runapac maquipi churarca. Chai runa ninata japishpaca llucshircami.

DANIEL 7:9

Chashna ricucucllapitacmi mandaccuna tiyarinata churashpa, shuc yuyac runata tiyachirca. Chai runaca rasu shina yuranlla churanata churashca, acchaca chuya oveja millma shina yuranllami carca. Chai mandashpa tiyarinapish, chai tiyarinapac ruedacunapish rupacuc shinami carca.