EZEQUIEL 10:2 - Dios Rimashcata Quillcashcami

² Chaimantami Mandac Diosca lino churanata churarishca runataca: «Querubincunapac ucupi tiyacuc rueda ucuman yaicushpa, rupacuc carbonta maqui jundata japishpa, pueblo jahuata shic-huai» nirca. Shina nicpimi, chai runaca ñuca ricucucpi yaicurca.

EZEQUIEL 10:2 ပူးပေါင်းရင်းမြစ်များ

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

SALMOS 140:10

Paicunapac jahuapica rupacuc nina urmachun. Maita mana llucshipac nina jatun jutcupi shitashca cachun.

SALMOS 18:10

Shuc querubinpi tiyarishpami volarca. Huaira alascunapi tiyarishpami rirca.

ÉXODO 25:18

Querubincunata curita martillohuan huactashpa, ruhuashpa ishcai ladopi churangui.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

EZEQUIEL 1:13

Causaita chariccunaca carboncuna jagan nicuc shinami carca. Paicunapac chaupipica mechacuna rupacuc shinami, caiman chaiman cuyuricurca. Chai ninaca yallitami achicyachicurca, shinallatac relampa jagan nicucmi llucshicurca.

EZEQUIEL 10:16

Paicuna puri callaricpica, ruedacunapish puri callarircami. Chai querubincuna jahuata jataricpica, chai ruedacunapish jatarircami.

EZEQUIEL 9:11

Lino churanata churashca, quillcana tintata cinturapi charicuc runaca: «Can mandashca shinami tucuita pactachircani» nirca.

DANIEL 7:9

Chashna ricucucllapitacmi mandaccuna tiyarinata churashpa, shuc yuyac runata tiyachirca. Chai runaca rasu shina yuranlla churanata churashca, acchaca chuya oveja millma shina yuranllami carca. Chai mandashpa tiyarinapish, chai tiyarinapac ruedacunapish rupacuc shinami carca.

APOCALIPSIS 8:5

Chai quipa incienso churanata ángel japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishca, rimashcacuna, relampacuna achic nishca, shinallatac allpa chucchuimi tiyarca.