EZEQUIEL 10:14 - Dios Rimashcata Quillcashcami

¹⁴ Tucui querubincunami chuscu ladoman ñahuita charirca. Shuc lado ñahuica querubinpac, caishuc lado ñahuica gentepac, caishuc lado ñahuica leonpac, caishuc lado ñahuica aguilapac ñahui shinami carca.

EZEQUIEL 10:14 ပူးပေါင်းရင်းမြစ်များ

1 REYES 7:29

Chai carretacunapac marcocunapi churashca tabla jahuapica leoncunata, huagracunata, querubincunata ruhuashcami carca. Chai carretacunapi churashca tablacunapi leoncunapac, huagracunapac jahua ladomanpish, ura ladomanpish guirnalda nishcacunata sumacta ruhuashcami carca.

1 REYES 7:36

Tablata churana marcocunapica querubincunata, leoncunata, palmera yuracunatami ruhuarca. Maipi chashna ruhuana pushtu tiyashcapimi chashna ruhuarca. Chai muyunditaca quirnalda nishcahuanmi sumacta ruhuarca.

EZEQUIEL 10:13

Ñucaca chai ruedacunata: “¡Carreta!” nishpa, shutichictami uyarcani.

EZEQUIEL 10:21

Tucuimi chuscu ñahuita, chuscu alasta charirca. Paicunapac alas ucupica gentepac maquiman ricchami carca.

EZEQUIEL 41:19

Shuc lado ñahuica gentepac ñahui shinami carca. Chai ñahuica shuc ladoman shayacuc palmeratami ricucurca. Caishuc lado ñahuica leonpac ñahui shinami carca. Chai ñahuica caishuc ladoman shayacuc palmeratami ricucurca. Chashnami Diospac huasi muyundica carca.

APOCALIPSIS 4:7

Puntaca leonman riccha, quipaca huagraman riccha, chaipac quipapac ñahuica gentepac ñahui shina, shinallatac chai quipaca huairapi ricuc cóndor shinami carca.