EZEQUIEL 1:27 - Dios Rimashcata Quillcashcami

²⁷ Chai genteman ricchaca, bronce jagan nicuc shinami carca. Paipac chaupipish, paipac muyundipipish nina jagan nicuc shinami carca. Cinturamanta huichaimanpish, urimampish nina rupacuc shinami, tucui muyundita carca.

EZEQUIEL 1:27 ပူးပေါင်းရင်းမြစ်များ

1 CRÓNICAS 16:27

Paipac ñaupapica, sumaimana achicllami tiyan. Pai causanapica poderpish, cushicuipish tiyanmi.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 97:2

Amsa puyupish muyundipimi tiyacun. Paipac mandana callari rumi shinaca cashcata ruhuana, allita ruhuanami.

ÉXODO 24:17

Mandac Diospac sumaimana achicca israelcunapac ñahuipica nina pillurishpa rupacuc shinami, urcu jahuapica ricurirca.

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

EZEQUIEL 8:2

Chaimantaca shuc runa shinatami ricurcani. Chaica cinturamanta uraimanca nina shinami carca. Cutin cinturamanta jahuamanca jagan nicuc bronce shinami carca.

HABACUC 3:4

Paica achic nicuc luz shinami. Paipac maquimantaca relampa achicyachicmi llucshin. Chai chaupipica paipac fuerzami pacalla tiyacun.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

HEBREOS 12:29

Chaica, ñucanchic Diosca tucuita rupachic nina llama shinami.