EZEQUIEL 1:19 - Dios Rimashcata Quillcashcami

¹⁹ Causaita chariccuna puricpica, ruedacunapish purircami. Cutin jahuata jataricpica, chai ruedacunapish jatarircami.

EZEQUIEL 1:19 ပူးပေါင်းရင်းမြစ်များ

SALMOS 103:20

¡Imatapish ruhuac angelcuna Mandac Diosta alli nichicyari! Cancunaca pai imata nishcata cazuccunami canguichic.

EZEQUIEL 1:15

Ñuca ricushpaca, chai causaita chariccunapac chuscu ladoman ruedacuna allpa jahuapi cactami ricurcani.

EZEQUIEL 1:21

Causaita chariccuna puricpica, ruedacunapish purircami. Paicuna shayaricpica, ruedacunapish shayarircami. Cutin jahuata jataricpica, ruedacunapish jatarircami. Causaita chariccunapac espirituca ruedacunapimi carca.

EZEQUIEL 10:16

Paicuna puri callaricpica, ruedacunapish puri callarircami. Chai querubincuna jahuata jataricpica, chai ruedacunapish jatarircami.

EZEQUIEL 10:19

Ñuca ricucucpimi, chai querubincunaca alascunata alzashpa allpamanta rirca. Paicuna jatarishpa ricpica, ruedacunapish jatarishpa rircami. Chaimantaca Mandac Diospac huasiman rishpa, inti llucshina ladoman cac pungupimi shayarirca. Israelcunapac Diospac sumaimana achic nicucca paicunapac jahuapimi carca.