EZEQUIEL 1:15 - Dios Rimashcata Quillcashcami

¹⁵ Ñuca ricushpaca, chai causaita chariccunapac chuscu ladoman ruedacuna allpa jahuapi cactami ricurcani.

EZEQUIEL 1:15 ပူးပေါင်းရင်းမြစ်များ

1 REYES 7:30

Tucui carretacunami broncemanta ruhuashca chuscu ruedata charirca. Chai ruedata churana fierrocunapish, broncellamantatacmi carca. Ruedacunata churashca chaquipipish, carreta tanqueta huichai charichunmi broncellamantatac chuscu ladoman repisa nishcacunata churarca. Chai puntapica sisacunata ruhuashcami carca.

EZEQUIEL 1:6

Cada shucmi chuscu ñahuita, chuscu alasta charirca.

EZEQUIEL 10:2

Chaimantami Mandac Diosca lino churanata churarishca runataca: «Querubincunapac ucupi tiyacuc rueda ucuman yaicushpa, rupacuc carbonta maqui jundata japishpa, pueblo jahuata shic-huai» nirca. Shina nicpimi, chai runaca ñuca ricucucpi yaicurca.

EZEQUIEL 10:9

Chai querubincunapac cuchupica chuscu ruedacunatami ricurcani. Cada querubincunapac cuchupimi shuc rueda carca. Chai ruedacunaca crisólito rumi shina jagan nicucmi carca.

EZEQUIEL 3:13

Shinallatac causaita chariccunapac alascunapura huactarinacushcatapish uyarcanimi. Paicunapac ñaupapi cac ruedacunapish culun nishcami uyarirca.

DANIEL 7:9

Chashna ricucucllapitacmi mandaccuna tiyarinata churashpa, shuc yuyac runata tiyachirca. Chai runaca rasu shina yuranlla churanata churashca, acchaca chuya oveja millma shina yuranllami carca. Chai mandashpa tiyarinapish, chai tiyarinapac ruedacunapish rupacuc shinami carca.

APOCALIPSIS 4:7

Puntaca leonman riccha, quipaca huagraman riccha, chaipac quipapac ñahuica gentepac ñahui shina, shinallatac chai quipaca huairapi ricuc cóndor shinami carca.