ÉXODO 7:20 - Dios Rimashcata Quillcashcami

²⁰ Moisespish, Aaronpish Mandac Dios nishca shinallatacmi ruhuarca. Varata alzashpami, Faraonpac, paita serviccunapac ñaupaman rishpa, jatun yacupi huactarca. Shina ruhuacpica, tucui chaipi tiyac yacucunami yahuar tucurca.

ÉXODO 7:20 ပူးပေါင်းရင်းမြစ်များ

2 REYES 4:29

Shina nicpi, Eliseoca paita servic Giezitaca: —Chumbillishpa ñuca taunata apashpa ri. Maijan tupacpipish, ama allillachu cangui ninguichu. Canta allillachu cangui nicpipish, upalla ringuilla. Ña huasiman chayashpaca, huahuapac ñahui jahuapi ñuca taunata churangui— nirca.

SALMOS 105:29

Chai yacucunata yahuarta ruhuashpami, tucui challuacunata huañuchirca.

SALMOS 78:44

Chaipica pipish ama ubiachun jatun yacucunatapish, callpacuc yacucunatapish yahuartami ruhuarca.

ÉXODO 4:9

Cai quipata ruhuashcata ricushpapish mana crishpa, mana cazucpica, jatun yacumanta yacuta huishishpa, allpapi tallingui. Shina tallicpica, yacuca yahuarmi tucunga— nirca.

ÉXODO 7:10

Moisespish, Aaronpish Faraonpac ñaupaman rishpaca, Mandac Dios mandashca shinallatacmi ruhuarca. Chaipimi Aaronca Faraonpac, paita serviccunapac ñaupaman rishpa, paipac varata shitarca. Chaipica, varaca culebrami tucurca.

ÉXODO 7:21

Yacupi tiyac challuacunapish tucui huañurcami. Yacupish ashnacucmi tucurca. Chaimantami tucui Egipto runacunaca mana ubiai pudircacuna. Tucui Egipto llactapimi yahuar tiyarca.

ÉXODO 7:6

Chashnami Moisespish, Aaronpish Mandac Dios mandashca shina ruhuarca.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

APOCALIPSIS 8:8

Ishcainiqui ángel tocacpica, mama cucha yacumanmi shuc jatun urcu rupacuc shina urmarca. Shina urmacpica, mama cucha yacuca quimsapi chaupishcamanta shuc partemi yahuar tucurca.