ÉXODO 6:12 - Dios Rimashcata Quillcashcami

¹² Shina nicpimi, Moisesca Mandac Diostaca: —Israelcunapish mana uyacpica, ¿ima shinatac Faraoncarin uyangayari? Ñucaca mana alli rimacchu cani— nirca.

ÉXODO 6:12 ပူးပေါင်းရင်းမြစ်များ

ÉXODO 3:11

Shina nicpimi, Moisesca Mandac Diostaca: —Faraonpacman rishpa, Egiptomanta israelcunata llucchimungapacca, ¿ñucaca imatac caniyari?— nirca.

ÉXODO 3:13

Shina nicpipish Moisesca: —Riqui, ñuca israelcunapacman rishpa: “Cancunapac ñaupa taitacunapac Diosmi cancunapacman cacharca” nicpi, paicuna: “¿Paica ima shutitacyari?” nishpa tapucpica, ¿imatatac nisha?— nirca.

ÉXODO 4:1

Chaimantami Moisesca: —Ñuca chashna nicpipish, paicuna mana crishpa, mana cazushpa: “Mandac Diosca, mana ricurishcangachu” nicpica, ¿imatatac nisha?— nirca.

ÉXODO 4:10

Chaimantami Moisesca Mandac Diostaca: —Ñucata Mandac Dioslla, ñucaca alli rimacca jaicapi mana cashcanichu, cunanpish mana alli rimacchu cani. Ñucaca callu huataricunillami— nirca.

ÉXODO 6:13

Shina cacpimi, Mandac Diosca israelcunata Egiptomanta llucchichun, Moisestapish, Aarontapish Egipto llactata jatun mandac Faraonta, israelcunata rimachun cunarca.

ÉXODO 6:30

Chashna nicpimi, Moisesca Mandac Diostaca: —Ñucaca mana alli rimacchu cani. ¿Maitatac Faraonca ñuca nishcataca uyangayari?— nirca.

ÉXODO 6:9

Tucui chaitami Moisesca israelcunamanca huillarca. Shina huillacpipish sinchi trabajocunahuan llaquilla cashcamantami Moisés nishcataca mana uyashun nircacuna.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

JEREMÍAS 6:10

Ñucaca: «¿Pitatac ama chashna ruhuaichu nishpa rimashayari? Paicunaca ringri huichcashca cashcamantami mana uyancuna. Can Mandac Dios rimashcataca pingashpami mana uyasha nin.

JEREMÍAS 9:26

Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.

LEVÍTICO 26:41

Paicunahuan piñarishpa paicunata piñaccunapac llactaman cachashcata yuyarishpa, llaquirishpa juchata shungumanta ñucaman huillacpica,

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

DEUTERONOMIO 30:6

Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.