ÉXODO 40:38 - Dios Rimashcata Quillcashcami

³⁸ Dios-huan tupana huasi jahuapica punzhaca puyumi carca. Tutaca ninami achicyachishpa, tucui israelcunapac purinapi carca. Chashnami tucui ñanta pusharca.

ÉXODO 40:38 ပူးပေါင်းရင်းမြစ်များ

2 SAMUEL 7:6

Ñuca Egiptomanta israelcunata llucchimushca punzhamanta cunancamanmi jaicapi ñuca huasipica mana causashcani. Ashtahuanpish yangalla carpa huasillapi, jatun carpa huasillapimi causarcani.

SALMOS 105:39

Paicunata llanduchunca puyuta, tutata achicyachichunca ninatami cacharca.

SALMOS 78:14

Punzhaca puyuhuan ñaupashpa, tutaca ninahuan achicyachishpami paicunataca pusharca.

ÉXODO 13:21

Tutapish, punzhapish israelcuna purishpa catichunmi, Mandac Diosca punzhaca suni puyuhuan, tutaca suni ninahuan ñaupashpa achicyachishpa pusharca.

ÉXODO 13:22

Israelcunamantaca punzhaca suni puyu, cutin tutaca suni ninaca jaicapi mana anchurircachu.

NÚMEROS 10:34

Israelcuna puri callaricpica, Mandac Diospac puyumi punzhanta jahuata rirca.

NÚMEROS 9:12

Chaitaca cayandi punzhapacca mana huacaichinachu, shinallatac chai animalpac tullutapish mana paquinachu. Ima shina mandashca shinami ruhuana can.

NÚMEROS 9:15

Dios-huan tupana huasita shayachi punzhapica mandashcata huacaichina Arca tiyacuc carpa huasitami puyu taparca. Tutaca nina shinami, huasi jahuapica tutamantacaman carca.

NÚMEROS 9:16

Chashnami punzhanta puyu tapashca shina carca. Tutaca nina rupacuc shinami ricurirca.