ÉXODO 40:18 - Dios Rimashcata Quillcashcami

¹⁸ Chai punzhapimi Dios-huan tupana huasita shayachingapac Moisesca basacunata tiyachishpa, tablacunata shayachishpa, barracunata churarca. Shinallatac pilarcacunatapish shayachircami.

ÉXODO 40:18 ပူးပေါင်းရင်းမြစ်များ

2 SAMUEL 7:6

Ñuca Egiptomanta israelcunata llucchimushca punzhamanta cunancamanmi jaicapi ñuca huasipica mana causashcani. Ashtahuanpish yangalla carpa huasillapi, jatun carpa huasillapimi causarcani.

ÉXODO 40:17

Quipa huata, callari quilla, callari punzhapimi Dios-huan tupana huasitaca shayachirca.

ÉXODO 40:19

Moisesca Mandac Dios mandashca shinami Dios-huan tupana huasita catarca. Chai jahuataca ashtahuan alli carpahuanmi catarca.

ÉXODO 40:2

«Callari quilla, callari punzhapica ñucahuan tupana huasita shayachingui.

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

LEVÍTICO 26:11

Ñucaca cancunapac chaupipimi causasha, cancunata mana millashachu.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.