ÉXODO 36:29 - Dios Rimashcata Quillcashcami

²⁹ Chaicunaca uramanpish, jahuamanpish tupachinacushpa, alli churanallami carca. Chashnami ishcai tablataca ishcai esquinapacta ishcai ishcaita ruhuarca.

ÉXODO 36:29 ပူးပေါင်းရင်းမြစ်များ

SALMOS 122:3

¡Jerusalén puebloca allita pircashpa ruhuashca pueblo shina sinchita shayachishcami!

SALMOS 133:1

¡Huauquicunapura, panicunapura cuyanacushpa causana mai sumac cashcataca ricuichicyari!

ÉXODO 26:24

Chai tablacunataca uramanpish, jahuamanpish bisagrahuan tinguishpa shayachingui. Chashnami ishcai esquinapi tablacuna shayachishca canga.

ÉXODO 36:28

Ishcai lado esquinapica churangapacca ishcai tablatami ruhuarca.

ÉXODO 36:30

Shinami pusac tablaca chunga sucta cullqui tablapi churashca carca. Cada shuc tablami ishcai basata charirca.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

1 CORINTIOS 1:10

Cuyashca criccuna, Apunchic Jesucristopac shutipimi ama chicanyarinacushpa, tucui imapipish shuc yuyailla, shuc shinalla yuyarishpa, cuyanacushpa causaichic nini.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

EFESIOS 2:21

Jesucristohuan cashpaca, huasi shayaricuc shinami Apunchic Jesucristohuan Diospaclla huasi tucungacaman tucui tandanacushpa, tandanacushca criccunaca huiñashpa catinga.