ÉXODO 35:35 - Dios Rimashcata Quillcashcami

³⁵ Paicunatami imatapish sumacta ruhuachun, alli yachac cachun churarca. Azul, morado, sani puca puchcamanta, alli lino puchcamanta ahuashpa, sumacta bordashpa, tucuilaya ruhuanacunata paicunapac yuyaihuan ruhuaccunatami churarca.

ÉXODO 35:35 ပူးပေါင်းရင်းမြစ်များ

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 7:14

Paica Neftalí aillupuramanta shuc viuda huarmipac cari huahuami carca. Paipac taitaca Tiro pueblomanta broncemanta imatapish ruhuanata alli yachacmi carca. Hirampish chai shinallatacmi broncemanta imata ruhuanatapish, ima shina ruhuanatapish alli yachac, yuyaisapa carca. Chaimantami mandac Salomonpacman shamushpa, pai ima nishcata ruhuarca.

2 CRÓNICAS 2:14

Paica Dan aillupuramanta shuc huarmipac cari huahuami. Paipac taitaca Tiro pueblomantami. Paica curimanta, cullquimanta, broncemanta, fierromanta, shinallatac rumimanta, caspimanta, azul, lino telacunamanta imata ruhuanata alli yachacmi. Shinallatac ima rumicunatapish labrashpa ruhuanllami. Pai yachashca ima ruhuanacunata ruhuachun mañacpica ruhuanllami. Paitaca alli yachac cambac runacunahuan, shinallatac cambac taita ñuca amo Davidpac yachac runacunahuan churangui.

JOB 7:6

Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 31:3

Ñucami, ñuca Espirituhuan paitaca tucuipi yuyaisapata, alli yachacta, quiquin yuyaihuan imatapish allita ruhuacta ruhuarcani.

ÉXODO 31:6

Chashnallatac Dan aillupuramanta Ahisamacpac churi Aholiabtami Bezaleelta ayudachunca acllarcani. Tucui ñuca imata ruhuachun nishcacunata ruhuachunmi, tucui artesanocunaman yachai Espirituta curcani.

ÉXODO 35:31

Paipac Espirituta cushpami, tucuipi alli yachachishpa, imata ruhuanapipish alli yuyaita cushpa, yuyaisapata ruhuashca.

ÉXODO 36:1

Mandac Diosmi Bezaleelmanpish, Aholiabmanpish, yachac runacunamanpish paihuan tupana huasita ruhuachun, alli yachaita, alli yuyaita curca. Paicunami Mandac Dios mandashcata tucuita ruhuanga» nirca.

ISAÍAS 28:26

Tarpuc runataca paipac Diosmi allita ruhuanata yachachicun.

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

HECHOS 19:8

Pabloca quimsa quillatami israelcuna tandanacuna huasiman yaicushpa, gentecuna crichun, Dios mandacucmanta mana manchashpa huillarca.

1 CORINTIOS 1:5

Cristomantami cancunaca yallita yachaccunapish, allita rimaccunapish canguichic.

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

1 CORINTIOS 12:12

Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can.

1 CORINTIOS 12:4

Tandanacushca criccunapurapica, tucuilaya ruhuaccunami tiyan. Shina cacpipish Diospac Espiritullami chaicunataca ruhuachin.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

2 TIMOTEO 2:15

Diospac ñaupapi alli ricuringapacca, shuc allitac trabajac runa shina imatapish allita ruhuana yuyailla caiyari. Chashna ruhuashpami imamanta mana pingaichishca cangui, alli huillaitapish allita yachachingui.