ÉXODO 35:21 - Dios Rimashcata Quillcashcami

²¹ Shinami tucui alli shunguyuc gentecunaca ofrendata Diosman cuna yuyaihuan apamurca. Mandac Dios-huan tupana huasitapish, curacuna churarinata ruhuangapacpish apamurcami.

ÉXODO 35:21 ပူးပေါင်းရင်းမြစ်များ

2 SAMUEL 7:27

Israelcunapac tucuita Mandac Dios canllatacmi canta servic ñucataca: “Cambac huahuacunatami mandac cachun churasha” nircangui. Chaimantami canta servic ñucaca cambac ñaupapi cashna mañangapac sinchicushcani.

1 CRÓNICAS 28:2

Chashna tandachishpami Davidca: «Ñuca huauquicunalla, ñuca pueblopi causaccunalla, caita uyaichic. Mandac Dios ari nishca quillcata huacaichina Arcata huacaichingapac, shinallatac Paipac chaquita chaipi churachunmi ñuca shungupi shuc huasita ruhuanata munarcani. Chaimantami chai huasita ruhuangapac ña tucui allichircani.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 CRÓNICAS 29:14

Ñucapish, tucui gentecunapish tucui caicunata quiquin munaihuan canman cungapacca ¿imata canchicyari? Caicunaca cambacllatacmi. Canmanta japishcallatatacmi canman cunchic.

1 CRÓNICAS 29:3

Ñuca Diospac huasita shayachinata munashcamantami tucui chaicunata tandachishca jahuapish ñuca quiquinpac huacaichishca curita, cullquita cuni.

1 CRÓNICAS 29:8

Shinallatac sumac rumicunata chariccunapish tucuimi Mandac Diospac huasita allichichun Gersonpac huahua huahuapuramanta Jehielman curca.

1 CRÓNICAS 29:9

Gentecunaca mana llaquirishpa tucui shunguhuan, Mandac Diosman ofrendata cushcamantami cushicurca. Shinallatac jatun mandac Davidpish yallitami cushicurca.

ESDRAS 2:68

Paicunapac taitacunapac huasi ucupurata maijan mandaccuna Jerusalenpi cac Diospac huasiman chayashpaca, utcapi maipi cashcallapitac Diospac huasita shayachichunmi quiquin munaihuan ofrendata curcacuna.

ESDRAS 7:27

¡Ñucanchic taitacunata Mandac Diosca yallita alli nishca cachun! ¡Mandac Diosca paillatacmi paipac huasita alli nichun jatun mandacpac shungupi yuyaita cushca! ¡Paica Jerusalenpimi can!

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

ÉXODO 25:2

«Israelcunataca ñucaman ofrendata cungapac maijanpish ñucaman tucui shunguhuan cuccunamanta japichun ni.

ÉXODO 35:20

Chaita uyashpami, israelcunaca Moisespac ñaupamanta rircacuna.

ÉXODO 35:22

Alli shunguyuc caricunapish, huarmicunapish tucui munaihuanmi cadenacunata, sortejascunata, brazaletecunata, zarcillocunata, curimanta ruhuashca tucuilaya sumaccunata apamurca.

ÉXODO 35:26

Allita puchcac huarmicunami chivo millmata sumacta puchcarca.

ÉXODO 35:29

Mandac Dios Moisesta mandashca shina ruhuarichunca, tucui alli shunguyuc israelcunami caricunapish, huarmicunapish tucui munaihuan Mandac Diosman cungapac apamurca.

ÉXODO 35:5

“Mandac Dios ñucaman cungapacca cancunapurallamanta ofrendata tandachichic. Tucui alli shunguyuc gentecuna curita, cullquita, bronceta,

ÉXODO 36:2

Moisesca Bezaleeltapish, Aholiabtapish, Mandac Dios alli yuyaita cushca runacunatapish, shungumanta Diospacta ruhuana munaita charic runacunatapishmi cayarca.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

2 CORINTIOS 8:12

Imatapish charishca shina quiquin munaimanta cushcamantami, Diosca cushicushpa chasquin. Diosca imata mana charishcataca mana mañanchu.

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

JUECES 5:12

¡Deboralla ricchariyari! Riccharishpa sumac cantota Diosman cantaiyari. ¡Abinoampac churi Baraclla, jatarishpa canta piñaccunata prezushpa apaiyari!

JUECES 5:3

Jatun mandaccunapish, quipa mandaccunapish uyaichicyari. Mandac Diostami cantagrini. Israelcunata Mandac Diostami salmocunahuan cantagrini.

JUECES 5:9

¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!