ÉXODO 34:25 - Dios Rimashcata Quillcashcami

²⁵ Ñucaman cushpa huañuchishca animal yahuartaca ama levadurahuan ruhuashca tandahuan cunguichu. Pascua fiestapi huañuchishca puchu animal aichatapish cayapacca ama huacaichinguichu.

ÉXODO 34:25 ပူးပေါင်းရင်းမြစ်များ

ÉXODO 12:10

Cayapacca mana puchuchinachu. Imapish puchucpica, ninapi rupachinguichic.

ÉXODO 12:20

Imatapish levadurahuanca ama micunguichicchu. Maipi causashpapish levadura illac tandata micunguichic” ningui— nirca.

ÉXODO 12:8

Chai tutallatac chai aichataca ninapi cusashpa, levadura illac tandahuan, jayac quihuahuan micunguichic.

ÉXODO 23:18

Ñucaman cushpa, huañuchishca animal yahuartaca ama levadurahuan ruhuashca tandahuan cunguichu. Animal huiratapish ama cayapac huacaichinguichu.

ÉXODO 29:34

Cayandipac puchushca aichataca mana micunachu, ashtahuanpish rupachinami. Chaica ñucapaclla chicanyachishcami.

LEVÍTICO 2:11

Mandac Diosman cusashca grano ofrendaca levadura illactami cana can. Mandac Diosmanca imatapish mana levadurahuan, mana abeja mishquihuanchu cana can.

LEVÍTICO 7:15

Dios-huan alli tucungapac cushca aichataca cayandi punzhapac mana puchuchishpami, chai cushca punzhallatac micuna can.

NÚMEROS 9:12

Chaitaca cayandi punzhapacca mana huacaichinachu, shinallatac chai animalpac tullutapish mana paquinachu. Ima shina mandashca shinami ruhuana can.

SAN MATEO 13:33

Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.

DEUTERONOMIO 16:4

Canchis punzhacamanmi cancunapac llactacunapica levadura illana can. Shinallatac callari punzha chishipi huañuchishca aichataca cayandi punzhapacca mana puchuchinachu canguichic.