ÉXODO 33:20 - Dios Rimashcata Quillcashcami

²⁰ Shina cacpipish, ñucapac ñahuitaca mana ricui pudinguichu. Maijanpish ñucapac ñahuita ricushpaca, mana causangachu— nirca.

ÉXODO 33:20 ပူးပေါင်းရင်းမြစ်များ

GÉNESIS 32:30

Chaimantami Jacoboca chai pambataca: «Diosta ñahui ñahui ricurcani, ñuca almatapish cacharichircami» nishpami «Penielta» shutichirca.

ÉXODO 24:10

israelcunata Mandac Diosta ricurca. Paipac chaqui ucupica jahua pacha achic nicuc shina, zafiro rumihuan allichishcami carca.

ÉXODO 24:9

Quipaca Moisespish, Aaronpish, Nadabpish, Abiupish, canchis chunga israelcunata pushac yuyaccunapish huichaiman rishpami,

ÉXODO 3:6

Ñucaca cambac taita Abrahampac, Isaacpac shinallatac Jacobopac Diosmi cani— nirca. Chaimantami Moisesca Diosta ricunata manchashpa paipac ñahuita taparirca.

ÉXODO 33:18

Shina nicpimi Moisesca: —Shina cashpaca, cambac sumaimana achic nicucta ricuchiyari— nirca.

ÉXODO 33:23

Ña pasashca quipa, ñuca maquita anchuchicpica, ñuca ñahuitaca mana ricunguichu, ashtahuanpish ñucapac huashallatami ricungui— nirca.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

SAN JUAN 1:18

Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

HEBREOS 1:13

¿Diosca maijan angelcunatatac: “Ñuca canta piñaccunata cambac chaqui sarunapi churangacaman, ñuca alli maquiman tiyacuilla” nishca?

JUECES 13:22

Shina yachashpami Manoaca paipac huarmitaca: —¡Ñucanchicca Diostami ricushcanchic. Cunanca huañushunmi!— nirca.

JUECES 6:22

Gedeón Mandac Diospac ángel cashcata yachac chayashpaca: —¡Taita amitolla! ¡Mandac Diospac angeltami ñahui ñahui ricushcani! ¿Cunanca huañushami?— nirca.