ÉXODO 32:20 - Dios Rimashcata Quillcashcami

²⁰ Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

ÉXODO 32:20 ပူးပေါင်းရင်းမြစ်များ

1 REYES 15:13

Shinallatac Asera diosta ruhuashcamantami paipac mama Maacatapish jatun mandac canamanta anchuchirca. Asaca mamapac yanga diosta paquishpaca, Cedrón yacu ladopimi rupachirca.

2 REYES 23:15

Bet-el pueblopi tiyac altarcunatapish, israelcunata juchata ruhuachic Nabatpac churi Jeroboam lomapi ruhuachishca altarcunatapish tucuchircami. Chai altarcunatapish, lomapi tiyac altarcunatapish rupachishpami uchupata ruhuarca. Asera diostapish rupachircami.

2 REYES 23:6

Shinallatac Asera huarmi diosta yuyarina yuratapish Mandac Diospac huasimanta llucchishpa aparishpami Jerusalenmanta canzhaman Cedrón pambapi rupachirca. Chai pambapi rupachishca, uchupataca chai pueblomanta gentecuna enterrashca jahuapimi shitarca.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

PROVERBIOS 14:14

Mana cazuc runaca pai mana allita ruhuashcahuanmi cushilla canga. Ashtahuanpish allita ruhuac runaca pai allita ruhuashcahuanmi cushicunga.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 7:5

Paicunataca cashnami ruhuana canguichic: Paicunapac altarcunata tigrachishpa, ruhuashcalla dioscunata yuyarina rumicunatapish polvonguichic. Asera huarmi diosta yuyarina yuracunatapish tigrachishpa, labrashpa ruhuashca dioscunatapish tucui rupachinguichic.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.