ÉXODO 31:15 - Dios Rimashcata Quillcashcami

¹⁵ Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

ÉXODO 31:15 ပူးပေါင်းရင်းမြစ်များ

GÉNESIS 2:2

Diosca pai ruhuana cashcataca canchis punzhapimi tucuchirca. Tucuita ruhuashpaca, canchisniqui punzhapica samarircami.

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ÉXODO 16:26

Sucta punzhacamanmi pallai pudinguichic, ashtahuanpish canchisniqui punzhaca samana punzhami. Chai punzhapica imatapish mana taringuichicchu— nirca.

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

ÉXODO 31:14

Chai punzhaca cancunapac jatun punzhami. Chaimantami huacaichina canguichic. Maijanpish chaita mana cazucca huañuchishcami canga. Chai punzhapi trabajacca israelpuramanta anchuchishcami canga.

ÉXODO 31:16

Israelcunapish, paicunapac huahua huahuacunapish samana punzhataca ñucahuan ari nishcata yuyarishpami pactachinga. Chai samana punzhataca huiñaitami huacaichina can.

ÉXODO 31:17

Samana punzhaca ñucahuanpish, israelcunahuanpish shuc señalmi can. Mandac Dios ñucaca sucta punzhapimi jahua pachatapish, cai pachatapish ruhuarcani. Ashtahuanpish canchisniqui punzhapica imata mana ruhuashpami samarircani” ninmi ningui» nirca.

ÉXODO 34:21

Sucta punzhata trabajanguichic. Ashtahuanpish canchisniqui punzhapica samarinami. Tarpuna punzhacunapipish, cosechana punzhacunapipish samaringui.

ÉXODO 35:2

“Sucta punzhata trabajanguichic. Canchisniqui punzhaca Diospaclla chicanyachishca punzhami. Chai punzhaca samarina punzhami. Maijanpish chai punzhapi imata ruhuacca huañungami.

ÉXODO 35:3

Samana punzhapica mai huasipipish ninata mana japichinachu” nishpami mandan» nirca.

EZEQUIEL 46:1

Mandac Diosca: Inti llucshina ladoman cac ñucapac huasi ucu pambaman yaicuna punguca sucta punzhacamanmi huichcashca canga. Ashtahuanpish samana punzhapi, llullu quilla punzhapimi pascashca canga.

LEVÍTICO 16:29

Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

LEVÍTICO 23:32

Chai punzhaca samarishpa, Mandac Dios ñucata yuyarina punzhami can. Chaimanta canchis quilla iscun punzha chishimanta cayandi chishicaman ayunanguichic» nirca.

SAN LUCAS 13:14

Tandanacuna huasipi mandacca, Jesús samana punzhapi alliyachishcamantami yallita piñarishpa, chaipi caccunataca: —Semanapica sucta punzhallatami trabajana. Chai punzhacunapimi jambichingapacca shamuna canguichic, samana punzhapica mana— nirca.

SAN LUCAS 23:56

Chai huarmicuna huasiman cutimushpaca, mishquilla ashnacuctami Jesuspac cuerpopi churangapac allichirca. Samana punzha chayamucpica, Dios mandashca shinami samarirca.

DEUTERONOMIO 5:12

Mandac Dios ñuca mandashca shina ñucapaclla samana punzhata yuyaringui.

HEBREOS 4:9

Chaimantami Diospac huahuacunamanca shuc samarina tiyanrac.