ÉXODO 30:34 - Dios Rimashcata Quillcashcami

³⁴ Cutinllatacmi Mandac Diosca Moisestaca: «Mishquilla ashnacuc resinata, shillulaya alajata ashnacuc yuramanta ashtahuan alli inciensotapish, mishquilla ashnacuc galbanotapish chai shinallatac pezashpa japingui.

ÉXODO 30:34 ပူးပေါင်းရင်းမြစ်များ

NEHEMÍAS 13:5

Shina cashpami, shuc jatun ucuta ruhuashpa paiman cushca carca. Chai ucupimi ofrendacunata, inciensota, imalla charinacunata, trigota, vinota, aceiteta, chungamanta shucta cushcacunataca huacaichic carca. Chai huacaichishcacunatami levitacunaman, cantaccunaman, pungupi cuidaccunaman, curacunaman cuchun mandashca carca.

ÉXODO 25:6

Lámpara japichina aceiteta, cahuirina aceiteta, mishquilla ashnacucta, inciensota mishquillata ruhuactapish japingui.

ÉXODO 30:23

«Sumac mishquilla ashnacucta acllai: Sucta kilo alli mirrata, quimsa kilo mishquilla ashnacuc canelata shinallatac quimsa kilo mishquilla ashnacuc calomata,

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

ÉXODO 30:35

Chaicunahuanca inciensota ruhuac runa shinallatac ñucapaclla chicanyachishca mishquilla ashnacuc inciensota, cachita churashpa ruhuangui.

ÉXODO 30:7

Aarón lamparacunata allichicushpaca, cada tutamantami mishquilla ashnacuc inciensota altarpi rupachinga.

ÉXODO 31:11

ñucapaclla cachun chicanyachingapac cahuina aceitetapish, ñucapaclla carpa huasipi churana mishquilla ashnacuc inciensotapish paicunami ñuca ima shina mandashca shina ruhuanga» nirca.

ÉXODO 35:15

inciensota rupachina altartapish, huanduna varacunatapish, Diospaclla chicanyachishca cachun cahuina aceitetapish, mishquilla ashnacuc aceitetapish, ñucahuan tupana huasiman yaicuna pungu jarcachina pañotapish ruhuanga.

ÉXODO 37:29

Shinallatac Diospacllata chicanyachishca cachun ruhuana aceitetapish, mishquilla ashnacuc inciensotapish ruhuarcami. Ima shina mishquilla ashnacuc aceiteta ruhuaccuna shinallatacmi ruhuarca.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

ISAÍAS 43:23

Ñucaman cushpa, rupachingapac animalta mana apamurcanguichicchu. Ñucata alli ningapac mana animalcunata curcanguichicchu. Ñucaca ofrendatapish mana mañashcanichu. Inciensota mañashpapish mana piñachircanichu.

LEVÍTICO 16:12

Chai quipaca ñucapac ñaupapi cac altarmantami nina junda incienso rupachinata, ishcai puñado mishquilla ashnacuc ñuto inciensota apashpa, lienzohuan jarcachishca ñucapaclla chicanyachishca ucuman yaicunga.

LEVÍTICO 2:1

Maijanpish grano ofrendata Mandac Diosman cushpaca, ashtahuan alli harinapi aceitetapish, inciensotapish churashpami apamuna can.

LEVÍTICO 2:15

Chaipica aceiteta, inciensota churashpami cuna can. Chaimi grano ofrendaca can.

LEVÍTICO 24:7

Chai filacunapica imahuan mana chapushca alli inciensota churangui. Chai tandacunami yuyaringapac ñucaman cushpa, rupachishca canga.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

NÚMEROS 4:16

Aaronpac churi Eleazarmi achicyachina aceitetapish, mishquilla ashnacuc inciensotapish, punzhanta cushca tandatapish, ñucahuan tupana huasitapish, chaipi tiyac ñucapaclla chicanyachishcatapish cuidanga» nirca.

NÚMEROS 7:14

Shinallatac chunga siclosta pezac curi cucharapi inciensota jundachishcatapish apamurcami.

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.