ÉXODO 30:31 - Dios Rimashcata Quillcashcami

³¹ Shinallatac israelcunataca: “Caimi tucui cancunapac huahua huahuacunapacpish, ñucapaclla cachun chicanyachina aceiteca canga.

ÉXODO 30:31 ပူးပေါင်းရင်းမြစ်များ

SALMOS 89:20

Ñucata servic Davidta japishpami, ñucapaclla cachun aceitehuan cahuircani.

ÉXODO 29:21

Altar jahuapi cac yahuartapish, aceitetapish japishpa Aaronpac, paipac churicunapac jahuapi shinallatac paicunapac churanapi chirapangui. Shinami Aaronpish, paipac churicunapish ñucapaclla chicanyachishca canga.

ÉXODO 30:30

Aarontapish, paipac churicunatapish cura tucushpa, ñucata servichun, chai aceitehuan cahuishpa, ñucapaclla cachun chicanyachingui.

ÉXODO 30:32

Cai aceitehuanca ama yanga runacunata cahuinguichu. Shinallatac shuctac cai shina aceitetapish ama ruhuanguichu. Cai aceiteca ñucapacllami. Chaimantami ñucapaclla cashcata yuyashpa, causana canguichic.

ÉXODO 37:29

Shinallatac Diospacllata chicanyachishca cachun ruhuana aceitetapish, mishquilla ashnacuc inciensotapish ruhuarcami. Ima shina mishquilla ashnacuc aceiteta ruhuaccuna shinallatacmi ruhuarca.

LEVÍTICO 21:10

Cancunapuramanta aceitehuan cahuishca, shinallatac ñucapaclla chicanyachishca churanata churarishca mandac cura cashpaca, mana acchata cacharishcachu purina can. Churanatapish mana lliquirinachu can.

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.