ÉXODO 29:30 - Dios Rimashcata Quillcashcami

³⁰ Chai churanataca Aaronpac churicuna taitapac randi cura tucushpa, ñucahuan tupana huasiman ñucata servingapac yaicushpaca, canchis cutincamanmi churaringa.

ÉXODO 29:30 ပူးပေါင်းရင်းမြစ်များ

GÉNESIS 8:10

Canchis punzhapica Noeca cutinllatacmi palomata cacharirca.

GÉNESIS 8:12

Chaimanta canchis punzhata shuyashpami, cutinllatac palomata cacharirca. Chashna cacharicpica, palomaca ña mana cutircachu.

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 29:29

Ñucapaclla chicanyachishca Aaronpac churanaca pai huañushca quipaca churicunamanmi canga. Paicunami ñucata servingapac aceitehuan cahuishca cashpaca churaringa.

ÉXODO 29:31

Ñucata servichun chicanyachishca cura cachun, cushca ovejataca ñucapaclla chicanyachishca ucupimi yanuna can.

ÉXODO 29:35

Aarontapish, paipac churicunatapish ñuca nishca shina, tucuita ruhuangui. Chaicunataca canchis punzhapi ruhuangui.

EZEQUIEL 43:26

Altartaca canchis punzhacamanmi animalta rupachishpa, mapa illacta ruhuana can. Shina ruhuacpimi, chai altarca ñucapaclla saquiringa.

LEVÍTICO 13:5

Canchis punzha tucucpica, curallatacmi ima shina cashcata allita ricunga. Chai ungüi chashnallatac cacpica, chai runataca cutin canchis punzhacamanmi huichcashpa churanga.

LEVÍTICO 16:32

Taitapac randi aceitehuan cahuishca, ñucapaclla chicanyachishca curami juchata pichachun ñucaman animalta cunga. Chai curaca ñucapacta ruhuangapac churarina lino churanatami churaringa.

LEVÍTICO 9:1

Pusac punzhapimi Moisesca Aarontapish, paipac churicunatapish, israelcunata pushac yuyaccunatapish

LEVÍTICO 9:8

Aaronca altarman cuchuyashpami, paipac juchacunamanta Diosman cushpa, becita huañuchirca.

NÚMEROS 20:28

Chaiman chayashpaca, Moisesca Aaronpac churanata llucchishpami paipac churi Eleazarman churachirca. Aaronca chai urcu jahuapimi huañurca. Chai quipaca Moisespish, Eleazarpish chai urcumanta urai shamurcami.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.