ÉXODO 29:28 - Dios Rimashcata Quillcashcami

²⁸ Chaicunaca israelcuna alzashpa ñucaman cushcami. Chaimantami chai aichaca Aaronman, paipac churicunaman cuna can. Chaitaca huiñaita ruhuachunmi mandashca canga. Chaica israelcuna ñucahuan alli tucungapac alzashpa cushca aichami.

ÉXODO 29:28 ပူးပေါင်းရင်းမြစ်များ

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.

ÉXODO 29:27

Aaronta, paipac churicunata ñucapaclla cachun chicanyachingapac cuyuchishpa cushca pecho aichata, alzashpa cushca rigra aichata chicanyachingui. Chai aichaca Aaronman, paipac churicunamanmi canga.

ÉXODO 29:29

Ñucapaclla chicanyachishca Aaronpac churanaca pai huañushca quipaca churicunamanmi canga. Paicunami ñucata servingapac aceitehuan cahuishca cashpaca churaringa.

LEVÍTICO 3:1

Maijanpish Mandac Dios-huan alli tucungapacca, mana ima tucushca huagrata, mana cashpaca vacatami cuna can.

NÚMEROS 15:21

Tandata ruhuangapac chapushpaca, puntaca ñucamanrac cunguichic. Chaitaca huahua huahuami ruhuana canguichic.

NÚMEROS 18:24

Paicunamanca israelcuna chungamanta shucta ñucaman alzashpa cushcatami curcani. Chaimantami israelpurapica paicunaca allpata mana japinga» nirca.

NÚMEROS 18:29

Tucui cancunaman cushcacunamanta ashtahuan allita acllashpa ñucaman alzashpa cungui.

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

NÚMEROS 20:28

Chaiman chayashpaca, Moisesca Aaronpac churanata llucchishpami paipac churi Eleazarman churachirca. Aaronca chai urcu jahuapimi huañurca. Chai quipaca Moisespish, Eleazarpish chai urcumanta urai shamurcami.

NÚMEROS 31:29

Chaicunataca Mandac Diosman cuna cashcata shina Eleazar curaman cunguichic. Chai cushcaca Mandac Diosman alzashpa cushcami.

NÚMEROS 31:41

Moisesca Mandac Dios mandashca shinallatacmi huichai alzashpa cushca ofrendataca Eleazar curaman curca.

NÚMEROS 5:10

Imatapish ñucapaclla cachun chicanyachishcaca curapacmi canga. Maijancuna curaman cushcaca, curapacllatacmi canga» nirca.

NÚMEROS 5:9

Israelcuna ñucaman cungapac chicanyachishcaca curapacllami canga.

NÚMEROS 6:20

Chaicunataca curallatacmi Mandac Diospac ñaupapi cuyuchishpa Diosman cunga. Chaicunaca Diospaclla chicanyarishca cashcamantami curapaclla canga. Diospac ñaupapi cuyuchishpa cushca pecho aichapish, alzashpa Diosman cushca rigra aichapish curapacllami canga. Chai quipami nazareo runaca vinota ubianga.

DEUTERONOMIO 18:3

Curacunaca gentecuna Diosman cushpa rupachishca huagrata, mana cashpaca cari ovejatami japina can: Huasha aichata, quijada aichata, chunzhullitami japina can.