ÉXODO 29:27 - Dios Rimashcata Quillcashcami

²⁷ Aaronta, paipac churicunata ñucapaclla cachun chicanyachingapac cuyuchishpa cushca pecho aichata, alzashpa cushca rigra aichata chicanyachingui. Chai aichaca Aaronman, paipac churicunamanmi canga.

ÉXODO 29:27 ပူးပေါင်းရင်းမြစ်များ

ÉXODO 29:26

Aaronta ñucapaclla cachun chicanyachingapac cushca oveja pecho aichata japishpa, Mandac Dios ñucaman cuyuchishpa cungui. Chai aichaca cambacmi canga.

ÉXODO 29:28

Chaicunaca israelcuna alzashpa ñucaman cushcami. Chaimantami chai aichaca Aaronman, paipac churicunaman cuna can. Chaitaca huiñaita ruhuachunmi mandashca canga. Chaica israelcuna ñucahuan alli tucungapac alzashpa cushca aichami.

LEVÍTICO 10:15

Diosman cuyuchishpa cushca pecho aichatapish, alzashpa Diosman cushca changa aichatapish rupachina huirahuan tandachishpa, Mandac Diospac ñaupaman apamunguichic. Mandac Dios mandashca shinami, canpish, cambac huahua huahuacunapish tucui causaipi pactachina canguichic» nirca.

LEVÍTICO 7:30

Chaitaca quiquin maquihuanmi Mandac Diosman cushpa, rupachingapac apamunga. Chashnami cuyuchishpa cuchun pecho aichatapish, chaipi tiyac huiratapish Diospac ñaupaman apamunga.

LEVÍTICO 7:37

Cai mandashcacunami Mandac Diosman animalta cushpa, tucui rupachina, grano ofrendata cuna, juchamanta animalta cushpa huañuchina, pandarishcamanta animalta cushpa huañuchina, Diospaclla chicanyachishca cangapac cuna, shinallatac Dios-huan alli tucungapac cushcacunata ima shina ruhuanacuna can.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

NÚMEROS 18:11

Shinallatac israelcuna ñucaman alzashpa cushcacunapish, cuyuchishpa cushcacunapish canman, shinallatac cambac churicunaman, canhuan causac ushicunamanmi canga. Chaicunataca huiñaitami micui pudinguichic. Cambac huasipi causac ima mapa illaccunami micunga.

NÚMEROS 6:20

Chaicunataca curallatacmi Mandac Diospac ñaupapi cuyuchishpa Diosman cunga. Chaicunaca Diospaclla chicanyarishca cashcamantami curapaclla canga. Diospac ñaupapi cuyuchishpa cushca pecho aichapish, alzashpa Diosman cushca rigra aichapish curapacllami canga. Chai quipami nazareo runaca vinota ubianga.

DEUTERONOMIO 18:3

Curacunaca gentecuna Diosman cushpa rupachishca huagrata, mana cashpaca cari ovejatami japina can: Huasha aichata, quijada aichata, chunzhullitami japina can.

HEBREOS 7:28

Moisés mandashcaca juchayuc runacuna jatun mandac cura cachun nin, ashtahuanpish Dios, pai ari nishpaca, Moisés mandashcacunamanta quipa cashpapish, huiñaita pactachic paipac Churitami jatun mandac cura cachun nin.

1 SAMUEL 9:24

Shina nicpimi, yanuc runaca shuc changa aichata chai jahuapi imalla churashcacunandi apamushpa Saulpac ñaupapi churarca. Shina churacpimi Samuelca: —Riqui, caimi canman huacaichishca aichaca. Cai aichata japishpa micuilla. Cunan punzha canman carangapac allichishpaca: “Ñucaca micuiman shamuchunmi gentecunata cayarcani” nishpami huacaichircani— nirca. Chashnami Saulca chai punzhaca Samuelhuan micurca.