ÉXODO 29:17 - Dios Rimashcata Quillcashcami

¹⁷ Chai cari oveja aichata pitinacushpa, chunzhullita jahuashpa, chaqui maquihuan, umahuan chai pitinacushca jahuapi churangui.

ÉXODO 29:17 ပူးပေါင်းရင်းမြစ်များ

ÉXODO 12:9

Chai aichataca chahuatapish, yacuhuan yanushcatapish mana micunachu, ashtahuanpish umacunandi, chaquicunandi, chunzhullindi ninapi cusashpami micuna canguichic.

ÉXODO 29:16

Chai oveja yahuartaca altar jahuapipish, quingraipipish chirapangui.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

LEVÍTICO 1:13

Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

LEVÍTICO 8:21

Chunzhullitapish, changacunatapish yacuhuan jahuashpami tucuita rupachirca. Moisesca Mandac Dios mandashca shinallatacmi paiman mishquilla ashnachun, tucui rupachirca.

LEVÍTICO 9:14

Chunzhullitapish, changacunatapish jahuashpami, tucuita rupachina altarpi rupachirca.

SAN MATEO 23:26

¡Ñahui mana ricuc fariseocunalla! Vasotapish, platotapish ucutarac jahuaichic. Shina ruhuacpimi, jahuapish chuyanlla canga.