ÉXODO 28:36 - Dios Rimashcata Quillcashcami

³⁶ Chashnallatac alli curimanta shuc sisalaya placata ruhuangui. Chaipica fierrohuan aspishpa, Mandac Dios ñucapaclla chicanyachishcami nishpa sellota quillcangui.

ÉXODO 28:36 ပူးပေါင်းရင်းမြစ်များ

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

SALMOS 93:5

Mandac Dioslla, cambac yachachishcaca mana paquipacmi. Cambac huasipish huiñaitami cambaclla canga.

ÉXODO 19:6

Cancunaca mandac curacuna, shinallatac jucha illac gentecunami canguichic. Tucui cai llactaca ñucapacmi” ninmi ningui— nirca.

ÉXODO 28:11

Rumipi rallashpa quillcac runa, sellota churac runa shinallatac ishcai rumipi Israelpac huahuacunapac shutita quillcangui. Chai rumi muyundipica curi engastecunata churangui.

ÉXODO 28:35

Aaronca ñucata servingapac yaicushpaca, chai churanahuanmi canga. Yaicushpapish, llucshishpapish chai uchilla campanacuna chilin nishpami, Mandac Dios ñucapac ñaupapica canga. Chashna uyaricpica, mana huañungachu.

ÉXODO 28:37

Chaitaca azul puchcahuan umapi churana mitra ñaupa ladoman churangui.

ÉXODO 28:9

Ishcai ónice rumipi Israelpac huahuacunapac shuticunata quillcangui.

ÉXODO 29:6

Umapica ñucapacta ruhuac cura cashcata ricuchic quillcata mitrata churachingui.

ÉXODO 39:27

Aaronmanpish, paipac churicunamanpish lino puchcamantami alli ahuaccuna shinallatac tunicata ruhuarca.

ÉXODO 39:30

Shinallatac Mandac Diospac cura cashcata ricuchingapacca curimantami shuc latata ruhuashpa, chaipica «DIOSPACLLA CHICANYACHISHCAMI» nishpa, shuc sellota shina quillcarca.

ÉXODO 39:31

Mandac Dios Moisesta mandashca shinallatacmi chai latapica azul huatuta churashpa, mitra jahuapi churangapac chashna ruhuarca.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

EZEQUIEL 43:12

Diospac huasimanta mandashcapica: Jatun urcu loma allpaca tucui muyunditami Diospaclla canga» nicunmi nirca.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 19:2

«Tandanacushca israelcunataca: “Ñuca cancunata Mandac, jucha illac Diosmi cani. Chaimanta cancunapish jucha illac caichic.

LEVÍTICO 8:9

Cutin umapica mitrata churachishpami, ñaupamanca Diospaclla cashcata ricuchishpa, curi latapi quillcashpa churarca. Moisesca Mandac Dios mandashca shinallatacmi ruhuarca.

ZACARÍAS 14:20

Chai punzhapica caballocunapi churashca campanillapica: «Mandac Diospac chicanyachishcami» nishpa quillcashcami canga. Chaitami aparishca puringa. Diospac huasipi tiyac mangacunapish altar ladopi tiyacuc jatun lavacaracuna shinallatacmi canga.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.