ÉXODO 28:33 - Dios Rimashcata Quillcashcami

³³ Chai túnica chaqui ladopica azul, morado, sani puca puchcahuan granadacunata huarcuchingui. Chai jahuapica muyundita curimanta ruhuashca campanillacunata churangui.

ÉXODO 28:33 ပူးပေါင်းရင်းမြစ်များ

1 REYES 7:18

Shinallatac chai capitelcunata tapangapacca granadilla nishcacunatami rejilla muyundita ishcai filata ruhuarca. Chaishuc capitelpacpish shinallatacmi ruhuarca.

2 REYES 25:17

Cada pilarmi pusac metro yalli carca. Chai pilarpac umapica broncemanta ruhuashca capitelta churashcami carca. Chai capitelca shuc metro quimsa chunga pichca centimetromi carca. Chai capitelpac jahuapica tucuimi broncemanta ruhuashca granadillacunata muyuchishca carca. Chaishuc pilarpish, chashnallatacmi muyuchishca carca.

SALMOS 133:2

Chashna causanaca, mishquilla ashnacuc aceiteta acchapi churacpi, barbas uraita ric shinami. Aaronpac barbas uraita tallirishpa, paipac churana puntacaman ric shinami can.

ÉXODO 28:32

Chai túnica chaupipica uma yaicuna jutcuta ruhuangui. Chai jutcu muyunditaca ama lliquirichun patarishpa ahuangui.

ÉXODO 28:34

Chai túnica chaqui muyunditami curi campanillata, quipaca shuc granadota, quipaca curi campanillata, quipaca granadota churangui.

ZACARÍAS 14:20

Chai punzhapica caballocunapi churashca campanillapica: «Mandac Diospac chicanyachishcami» nishpa quillcashcami canga. Chaitami aparishca puringa. Diospac huasipi tiyac mangacunapish altar ladopi tiyacuc jatun lavacaracuna shinallatacmi canga.