ÉXODO 28:15 - Dios Rimashcata Quillcashcami

¹⁵ Chashnallatac allita ricushpa mandacucta ricuchic pectoraltapish sumacta bordashpa ruhuangui. Efodta ima shinami curihuan, azul morado, sani puca, lino puchcahuan ruhuarcangui, chashnallatac chaitapish ruhuangui.

ÉXODO 28:15 ပူးပေါင်းရင်းမြစ်များ

ÉXODO 25:7

Efodpi, pectoralpi churangapac ónice rumicunatapish, engastecunatapish japingui.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 28:14

curillamantatac ishcai huatucunata jimbashca shinata chaicunapi churangui.

ÉXODO 28:16

Chaica sunimanpish, anchomanpish shuc cuarta yalli shina, cuadradomi canga. Shinallatac patarishcami canga.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

ÉXODO 28:4

Cai churanacunata ruhuangui: Pectoraltapish, efodtapish, tunicatapish, cuadrado churanatapish, mitratapish shinallatac chumbitapish ruhuangui. Cura tucushpa, ñucata servichun, cambac huauqui Aaronmanpish, paipac churicunamanpish ñucapaclla chicanyachishca churanacunata ruhuachingui.

ÉXODO 28:6

Efodtaca curimanta ruhuashpami, azul, morado sani puca puchcahuan, lino puchcahuanmi sumacta bordashpa ruhuanga.

ÉXODO 29:5

Aaronmanca curacuna churana tunicata, efodta, pectoralta churachingui. Efodtaca chumbihuan huatachingui.

LEVÍTICO 8:8

Chai quipaca pectoralta churachishpami, jahuapica Urimta, Tumimta churachirca.