ÉXODO 25:31 - Dios Rimashcata Quillcashcami

³¹ Shuc candelerotapish alli curita martillohuan huactashpa ruhuangui. Chai candelerotaca chaquitapish, chaquipi cactapish, copacunatapish, manzanacunatapish, sisacunatapish shucllata ruhuangui.

ÉXODO 25:31 ပူးပေါင်းရင်းမြစ်များ

1 REYES 6:18

Diospac huasi ucu pircacunaca cedro tablahuan tapashcami carca. Chai tablacunapica sachapi tiyac calabazacunahuan, sisa butucunahuan allichishcami carca. Shinallatac cedro tablahuan tucui jarcashca cashpami shuc rumillapish mana ricurirca.

1 REYES 7:24

Chai paila shimi ucu ladotapish, jahuatapish muyunditami calabazalaya bolacunata ishcai filata ruhuashpa churarca. Chai bolacunataca cada chuscu chunga pichca centimetropimi, chunga calabazacunata churarca. Chaicunataca bronceta yacuyachishpami chai pailallahuantac ruhuarca.

1 REYES 7:49

Shinallatac Diospac chicanyachishca ucu chimba ladopica ashtahuan alli curi candelerocunatami pichcataca alli ladoman pichcataca lluqui ladoman churarca. Chaicunapica curita ruhuashca sisacunandi, lamparacunandi, tenazacunandimi churarca.

1 CRÓNICAS 28:15

Shinallatac curimanta candelerocunata, candeleropi churana lamparacunata curimanta ruhuachunmi cada candeleropac pactaipacta pezashpa curca. Cullquimanta candelerocunata, chai candelerocunata churana lamparata ruhuachunmi cullquita cada candeleropac pactaipacta pezashpa curca.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 4:20

Shinallatac candelerocunatapish, chaipi churana lamparacunatapish alli curimantami ruhuarca. Chaicunataca mandashcapi nishca shinallatac Diospaclla chicanyachishca ucu cuchupi mechata japichingapacmi ruhuarca.

2 CRÓNICAS 4:7

Shinallatac curimantami chunga candelerocunata ruhuarca. Chaicunataca Diospac huasi ucupimi pichcataca jahua ladoman, pichcataca ura ladoman churarca.

ÉXODO 25:34

Candelero chaupi caspipica chuscu almendro sisalaya chuscu vasocunami manzanahuan, sisacunahuan tiyanga.

ÉXODO 25:36

Chai manzanacunapish, rigracunapish mana pitishca shucllamanta martillohuan labrashca curillahuan ruhuashcami canga.

ÉXODO 31:8

Mizatapish, chai jahuapi tiyaccunatapish, curi candelerotapish, chaipi tiyaccunatapish, inciensota rupachina altartapishmi ruhuanga.

ÉXODO 35:14

Achicyachic candelerotapish, lamparacunatapish, chaipi churana aceitetapish, chaipi imalla churanacunatapish,

ÉXODO 39:37

alli curimanta ruhuashca candelerotapish, chaipi churana lamparacunatapish, chaipi imalla tiyaccunatapish, luzta japichina aceitetapish apamurcami.

LEVÍTICO 24:4

Mandac Dios ñucapac ñaupapi punzhanta achicyachichunca, alli curi candelerocunatami filapi churana can.

ZACARÍAS 4:2

Chai ángel tapushpaca: —¿Imatatac ricungui?— nirca. Shina tapucpimi ñucaca: —Aceiteta churana curi candelerota, cutin chai jahuapica canchis lamparacunatapish, canchis tubocunatapishmi ricucuni.

NÚMEROS 3:31

Paicunami Arcatapish, candelerocunatapish, altarcunatapish, Dios-huan tupana huasi ucupi tucui imalla tiyashcacunatapish, Diospaclla chicanyachishca ucupi imalla ruhuanacunatapish, jarcachishca pañocunatapish, tucui imalla tiyashcacunatapish ricucurca.

NÚMEROS 4:10

Tucui chaicunataca delfín carahuan catashpa, huanduna vara jahuapi churanga.

NÚMEROS 4:9

Chai quipaca azul pañohuan achicyachic candelabrota, mechacunata pitinacunandi, platillocunata, aceiteta churanacunami catanga.

NÚMEROS 8:1

Mandac Diosca Moisestaca:

NÚMEROS 8:4

Chai candelabroca curita martillohuan huactashpa ruhuashcami carca. Chaica Mandac Dios Moisesta mandashca shina, chaquipish, lamparacunata churanapish curita martillohuan huactashpa ruhuashcami carca.

HEBREOS 9:2

Dios-huan tupana huasica cai shinami carca: Yaicushcallapica Diospaclla ucumi carca. Chaipica candeleropish, Diosman cushca tandata churana mizapishmi carca.

APOCALIPSIS 1:12

Shina nicta uyashpami ñuca ricungapac tigrarishpaca, canchis curi candelerocunata ricurcani.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 2:5

Chaimanta can maimanta mana allita ruhuanata callarircangui, chaita yuyarishpa Diosman llaquirishpa cutiri. Callaripi ima shina cashca shinallatac cai. Can llaquirishpa Diosman mana cutiricpica, cambacman utca shamushpa, cambac candelerota maipi tiyacushcamanta anchuchishami.

APOCALIPSIS 4:5

Chai jatun mandac mandashpa tiyarinamantaca relampacuna, rimashcacuna, shinallatac tulun nishcacunami llucshicurca. Shinallatac chai tiyarinapac ñaupapica canchis mechami japiricurca. Chaicunaca Diospac canchis Espiritumi.

1 SAMUEL 3:3

Samuelca Mandac Diospac huasipimi sueñucurca. Diospac Arcapish chai huasipimi carca. Chai huasi ucupi rupacuc Diospac lamparapish manarac huañucpimi,