ÉXODO 22:20 - Dios Rimashcata Quillcashcami

²⁰ Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ÉXODO 22:20 ပူးပေါင်းရင်းမြစ်များ

1 REYES 18:40

Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

2 REYES 10:25

Baal diosman animalta cushpa rupachishca quipaca canzhapi cuidac soldadocunatapish, soldadocunata mandaccunatapish cayashpaca: «¡Yaicushpa tucui huañuchichic! Shucllatapish miticushpa richunca ama saquichicchu» nirca. Shina nicpimi, canzhapi cuidac soldadocunapish, soldadocunata mandaccunapish yaicushpa, espadahuan huañuchishpa canzhaman shitarca. Quipataca Baal diospaclla chicanyachishca ucumanpish yaicushpami,

2 CRÓNICAS 15:13

Israelcunata Mandac Diosta mashcanata mana munaccunataca yuyac cachun, huahua cachun, cari cachun, huarmi cachun huañunami can nircacuna.

ÉXODO 23:9

Cambac llactapi pozashpa causaccunata ama llaquichinguichu. Cancunaca shucpac llactapi cuyailla causanataca yachanguichicmi. Egiptopica cancunaca pozashpallami causarcanguichic.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

ÉXODO 34:15

Chai allpapi causaccunahuanca imata yuyarinacungapac ama ari ninacunguichu. Chai shina ruhuacpica, yangalla dioscunata mañangapacmi allimanta aisashpa catinga. Chai dioscunaman cushpa, huañuchishca animal aichata micungapac cayacpi, chaita can micushpaca, chai dioscunahuan huainayashca shinami tucungui.

EZEQUIEL 20:7

Chai ruhuashcalla dioscunata cancunapac ñaupamanta anchuchichic. Egiptopi tiyac ruhuashcalla dioscunahuan ama mapayaichicchu. Ñucami cancunata Mandac Dios cani nircani.

LEVÍTICO 17:7

Chashnami mana ashtahuan chivoman riccha dioscunaman animalta cunga. Chai dioscunata servishpami huainayarca. Israelcunaca cai mandashcacunatami huiñaita huahua huahuacunapish pactachishpa causana can” ningui.

LEVÍTICO 19:33

Shuctac llacta runa shamushpa, cancunahuan causacucpi, ama llaquichinguichicchu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

NÚMEROS 21:3

Mandac Diosca israelcuna mañashcata uyashpa, cananeocunata paicunapac maquipi churacpimi, tucui chaipi causaccunatapish, llactacunatapish tucuchirca. Chaimantami chai llactaca Horma shuti saquirirca.

DEUTERONOMIO 10:18

Paica taita mama illaccunamanpish, viudacunamanpish cashcata ruhuacmi. Shuctac llactamanta shamushpa causaccunamanpish caracmi, churachicmi.

DEUTERONOMIO 18:20

Maijan huillac ñuca shutipi manapish ñuca huillachicpi, mana cashpaca shuctac yanga dioscunapac shutipi huillacpica, chai huillactaca huañuchinguichic” nirca.

DEUTERONOMIO 23:8

Paicunaca quimsaniqui miraicamanmi Mandac Diospac tandanacuimanca mana yaicunga.

DEUTERONOMIO 24:17

Shuctac llacta runa japinatapish, taita mama illaccuna japinatapish ama quichunguichicchu. Viudamantapish ama prendata japinguichicchu.