ÉXODO 19:8 - Dios Rimashcata Quillcashcami

⁸ Shina huillacpimi, tucui israelcunaca: —¡Mandac Dios tucui nishcataca pactachishunllami!— nirca. Israelcunapac nishcacunataca Moisesca Mandac Diosmanmi huillarca.

ÉXODO 19:8 ပူးပေါင်းရင်းမြစ်များ

NEHEMÍAS 10:29

Dios mandashcata pactachingapac ari nishpami paicunapac huauquicunahuan, mandaccunahuan tandanacurca. Ñucanchicta Mandac Dios paita servic Moisesman imata ruhuachun nishpa mandashcacunata pactachichun cushca shimicunata cazushpa pactachingapacmi tandanacurca.

ÉXODO 20:19

Shina cacpimi Moisestaca: —Canlla parlailla. Ñucanchicca uyashunllami. Mandac Diosca ama ashtahuan rimachun. Pai rimacpica, huañushunmi— nirca.

ÉXODO 24:3

Moisés cutishpaca, Mandac Dios nishcacunatapish, tucui mandashcacunatapishmi israelcunaman huillarca. Shina huillacpimi, israelcuna shuc shinalla tucushpaca: —Mandac Dios tucui imata nishcacunataca pactachishunllami— nirca.

ÉXODO 24:7

Chaimantaca Mandac Dios-huan ari nishca librota japishpami, tucui israelcunaman rezashpa uyachirca. Chaita uyashpami paicunaca: —Mandac Dios tucui nishcacunata cazushpa pactachishunllami— nirca.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

JOSUÉ 24:21

Shina nicpimi, israelcunaca Josuetaca: —¡Mana, can nishca shinaca mana cangachu, ashtahuanpish Mandac Diostami servishun!— nirca.

JOSUÉ 24:24

Shina nicpimi, israelcunaca Josuetaca: —Ñucanchicta Mandac Diostami servishun, pai ima nishcatami cazushun— nirca.